សារព័ត៌មាន នគរវត្ត តែងតែនាំមុខគេជានិច្ច
ប្រធានាធិបតីអាមេរិក ដូណាល់ ត្រាំ បានស្នើដល់ក្រុមអ្នកសារព័ត៌មានទាំងអស់ឲ្យដោះម៉ាស់ពេលចូលរួមសន្និសីទកាសែតរបស់លោក ប៉ុន្តែក្រុមអ្នកសារព័ត៌មានបានបដិសេធ។
នៅក្នុងសន្និសីទកាសែត កាលពីរសៀលថ្ងៃទី៧ ខែកញ្ញា ប្រធានាធិបតីដូណាល់ ត្រាំ និងអ្នកសារព័ត៌មានឈ្មោះ Jeff Mason របស់បណ្តាញព័ត៌មានរ៉យទ័រ បានប៉ះទង្គិចគ្នាដោយសម្តីពាក់ព័ន្ធការពាក់ម៉ាស់។ លោក Jeff Mason មិនព្រមដោះម៉ាស់តាមសំណើរបស់ប្រធានាធិបតី ដូណាល់ ត្រាំឡើយ។
ប្រធានាធិបតី ដូណាល់ ត្រាំបានផ្តល់សញ្ញាឲ្យលោកJeff Mason ដោះម៉ាស់ចេញពេលសួររូបលោក។ លោកត្រាំបញ្ជាក់ថា «អ្នកត្រូវតែដោះម៉ាស់ សូមមេត្តាផង»។ ចំណែកអ្នកសារព័ត៌មានJeff Mason បានតបវិញថា លោកនឹងនិយាយខ្លាំងៗឲ្យងាយស្តាប់។
លោកត្រាំនិយាយថា «លោកមិនពេញចិត្តនឹងសំណួររបស់លោកJeff Masonឡើយដោយសំឡេងគាត់ដូចជាថប់ដង្ហើម ពេលពាក់ម៉ាស់។ អ្នកដោះម៉ាស់ពេលនិយាយ អ្វីគ្រប់យ៉ាងនឹងប្រសើរឡើង»។ នៅពេលនោះលោកJeff Masonបាននិយាយខ្លាំងៗទៅកាន់លោកត្រាំ ដោយមិនដោះម៉ាស់ឡើយ ហើយសួរថា ប៉ុណ្ណឹងស្តាប់បានច្បាស់នៅ?»។ លោកត្រាំក៏បានឆ្លើយថា ច្បាស់ជាងមុនហើយ។
នេះមិនមែនជាលើកទីមួយឡើយដែលលោកត្រាំ ប្រឈមជាមួយអ្នកសារព័ត៌មាន ពាក់ព័ន្ធនឹងការពាក់ម៉ាស់ ដោយសារតែលោកត្រាំស្តាប់សំណួរមិនច្បាស់៕ដោយ៖ធី រីណា
