សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ មានហេតុការណ៍គ្រោះថ្នាក់ចរាចរណ៍មួយ ដោយឡានធំដឹកស៊ីម៉ងត៍ របស់ក្រុមហ៊ុន ជីប ម៉ុង លែន បានដាច់ហ្វ្រ័ងធ្វើឱ្យបុករះឡាន ម៉ូតូ និងហាងលក់កាហ្វេ បណ្តាលឱ្យលោកយាយម្នាក់បែកក្បាលស្លាប់ភ្លាមៗ ។
គ្រោះថ្នាក់ចរាចរណ៍នេះបានកើតឡើងនាព្រឹកថ្ងៃទី៩ ខែកញ្ញា ឆ្នាំ២០២០នេះ នៅចំណុចភូមិផ្សារត្រាំសសរ ឃុំសំរោងលើ ឃុំបន្ទាយមាស ខេត្តកំពត ។
ប្រជាពលរដ្ឋឃើញហេតុការណ៍បានអះអាងថា ករណីនេះជាបឋមបណ្តាលឱ្យរថយន្តខូចខាតអស់ចំនួន៤គ្រឿង ម៉ូតូខូចអស់ចំនួន៣គ្រឿង ខូចខាតផ្ទះលក់កាហ្វេ មួយខ្នង និង បណ្តាលអោយលោកយាយម្នាក់ស្លាប់យ៉ាងអាណោចអាធ័ម។
ទោះបីយ៉ាងណា ពេលនេះ សមត្ថកិច្ចកំពុងស្ថិតនៅកន្លែងកើតហេតុ ដើម្បីដោះស្រាយបញ្ហានេះ ៕ ដោយ៖ចេស្តា
