សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ ជនសង្ស័យម្នាក់លួចម៉ូតូគេត្រូវបានកម្លាំងនគរបាលក្រុងក្រចេះសហការជាមួយកម្លាំងប៉ុស្តិ៍រដ្ឋបាលកន្ទួតនៃអធិការដ្ឋាននគរបាលស្រុកចិត្របុរីធ្វើការឃាត់ខ្លួនបញ្ជូនទៅសាលាដំបូងខេត្តចាត់ការតាមច្បាប់។
ជនសង្ស័យខាងលើសមត្ថកិច្ចបានឃាត់ខ្លួនបន្ទាប់ពីធ្វើសកម្មភាពភ្លាមៗនៅថ្ងៃទី៤ ខែតុលាឆ្នាំ២០២០ត្រង់ចំណុចភូមិអន្ទង់វៀន ឃុំកន្ទួត ស្រុកចិត្របុរីខេត្តក្រចេះ។
ប្ប្រភពពីមន្ត្រីនគរបាលបានឱ្យដឹងថាៈជនសង្ស័យម្នាក់ដែលសមត្ថកិច្ចឃាត់ខ្លួនឈ្មោះ ពឿន ភាព ភេទប្រុស អាយុ៣២ឆ្នាំ នៅភូមិជើងព្រៃ ឃុំផ្អាវ ស្រុកបាធាយ ខេត្តកំពង់ចាម ។
ម្ចាស់ម៉ូតូរងគ្រោះមានឈ្មោះ ចន សុខហ៊ាង ភេទប្រុស អាយុ៥៥ឆ្នាំ នៅសង្កាត់ក្រចេះ ក្រុងខេត្តក្រចេះ។
ប្រភពបន្តថា នៅថ្ងៃកើតហេតុ ជនរងគ្រោះបានជិះម៉ូតូយកមកដាក់នៅក្រោមសំយាបដំបូលមុខផ្ទះនិងទុកកូនសោនៅជាប់នឹងម៉ូតូ ក្រោយមកស្រាប់តែជនសង្ស័យជិះយកទៅបាត់។
ក្រោយពីទទួលបានព័ត៌មាននេះភ្លាមកម្លាំងនគរបាលបានចុះទៅឃាត់ខ្លួនជនសង្ស័យបាននៅចំណុចភូមិអន្ទង់វៀន ឃុំកន្ទួត ស្រុកចិត្របុរី ខេត្តក្រចេះ។
ជនសង្ស័យនិងវត្ថុតាងត្រូវកម្លាំងនគរបាលក្រុងក្រចេះបញ្ជូនទៅការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តដើម្បីចាត់ការបន្តតាមនីតិវិធីច្បាប់៕ដោយ៖ ជីវ័ន្ត
