សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមសម្តីរបស់សមត្ថកិច្ចបានឱ្យដឹងថា ជនសង្ស័យម្នាក់ដែលធ្វើសកម្មភាពកាច់សោលួចម៉ូតូនៅផ្សារពាណិជ្ជកម្មត្រូវបានកម្លាំងប្រជាការពារនិងពលរដ្ឋសហការគ្នាដេញចាប់ឃាត់ខ្លួនបញ្ជូនទៅអធិការដ្ឋាននគរបាលក្រុងព្រះសីហនុ កាលពីម៉ោងជាង៧យប់ថ្ងៃទី៦ ខែវិច្ឆិកា ឆ្នាំ២០២០។
សមត្ថកិច្ចប្រាប់ថា ជនសង្ស័យធ្វើសកម្មភាពលួច(មិនបានសម្រេច) ក្រោយកម្លាំងប្រជាការពារឃើញទាន់ ដោយរត់គេចខ្លួនចូលទៅក្នុងភូមិប្រជាពលរដ្ឋនៅក្បែរនោះ និងដោយមានកិច្ចសហការពីពលរដ្ឋផងជនសង្ស័យក៏ត្រូវបានឃាត់ខ្លួន។
ជនសង្ស័យឈ្មោះ យុង ភារម្យ ភេទប្រុស អាយុ៣០ឆ្នាំ មុខរបរបើកបររថយន្ត បច្ចុប្បន្នស្នាក់នៅមិនពិតប្រាកដ។
ចំណែកម្ចាស់ម៉ូតូឈ្មោះ ជួន ប៉ុណ្ណ: ភេទប្រុស អាយុ៣៦ឆ្នាំ មុខរបរបើករថយន្ត បច្ចុប្បន្ន រស់នៅភូមិ៣ សង្កាត់លេខ៣ ក្រុងព្រះសីហនុ ។
បច្ចុប្បន្ន ជនសង្ស័យសមត្ថកិច្ចកំពុងសាកសួរ និងកសាងសំណុំរឿងបញ្ជូនទៅតុលាការផ្តន្ទាទោសតាមច្បាប់៕
ដោយ៖ឆ្លាម សមុទ្រ
