សារព័ត៌មាន នគរវត្ត តែងតែនាំមុខគេជានិច្ច
អតីតប្រធានាធិបតីអាមេរិក លោកបារ៉ាក់ អូបាម៉ា បានបញ្ជាក់ថា ការបែកបាក់ផ្ទៃក្នុងរបស់អាមេរិកពិតជាធ្ងន់ធ្ងរណាស់ ហើយការចាកចេញរបស់លោកត្រាំមិនគ្រប់គ្រាន់នោះឡើយ។
អតីតប្រធានាធិបតី បារ៉ាក់ អូបាម៉ា បានសរសេរនៅក្នុងសៀវភៅកំណត់ហេតុ(ទឹកដីនៃក្តីស្រមៃ) ដែលបានបោះពុម្ភលក់កាលពីថ្ងៃទី១២ខែវិច្ឆិកា ដោយនៅក្នុងនោះលោកត្រាំបានលើកឡើងពីវិវាទយ៉ាងខ្លាំងនៅក្នុងទឹកដីអាមេរិក ហើយការចាកចេញរបស់លោកត្រាំគឺមិនគ្រប់គ្រាន់ដើម្បីផ្សះផ្សានោះឡើយ។
ទស្សនាវដ្តី The Atlantic បានដកស្រង់ខ្លឹមសារនៅក្នុងសៀវភៅរបស់លោកអូបាម៉ាថា«ប្រជាធិបតេយ្យ របស់យើងកំពុងតែស្ថិតនៅក្នុងដំណាក់កាលនៃវិបត្តិ ហើយវិបត្តិនោះកំពុងតែស៊ីជម្រៅ ។ ចក្ខុវិស័យពីរផ្សេងគ្នា ដែលធ្វើឲ្យអាមេរិកធ្លាក់ក្នុងស្ថានភាពអាក្រក់ អាមេរិកគួរតែធ្វើបែបណា»។
វិវាទបានធ្វើឲ្យទម្រង់នយោបាយនៅអាមេរិកត្រូវបែកបាក់ ពិសេសគឺការគោរពគ្នាទៅវិញទៅមករវាងគណបក្សប្រជាធិបតេយ្យ និងសាធារណរដ្ឋ ដែលតែងតែគោរពគ្នាទៅវិញទៅមក។
លោកអូបាម៉ាបញ្ជាក់ទៀតថា «ខ្ញុំសង្ឃឹមលើយុវវ័យ គឺជាអ្នកផ្សះផ្សា ធ្វើឲ្យអាមេរិកប្រសើរឡើង។ ខ្ញុំមានជំនឿលើពលរដ្ឋអាមេរិកជំនាន់ក្រោយ»៕ដោយ៖ធី រីណា
