សារព័ត៌មាន នគរវត្ត តែងតែនាំមុខគេជានិច្ច
ការប្រឈមមុខតានតឹងដាក់គ្នារវាងអុីរ៉ង់ នឹងអុីស្រាអែល ក្រោយពីការធ្វើឃាតបិតាបច្ចេកវិទ្យាបរមាណូអុីរ៉ង់ គឺរដ្ឋាភិបាលអុីរ៉ង់បានចោទប្រកាន់អុីស្រាអែលជាអ្នកនៅពីក្រោយការធ្វើឃាតនោះ ហើយអុីរ៉ង់នឹងតបតវិញជាមិនខាន។
នៅពេលនេះ ប្រទេសអារ៉ាប៊ីសាអ៊ូឌីតដែលជាសត្រូវរបស់អុីរ៉ង់ក៏បានបើកដែនអាកាសឲ្យអុីស្រាអែលងាយស្រួលក្នុងការវាយប្រហារអុីរ៉ង់ប្រសិនបើអុីរ៉ង់ហ៊ានវាយប្រហារសងសឹកអុីស្រាអែល ជុំវិញការស្លាប់របស់អ្នកវិទ្យាសាស្ត្របរមាណូនោះ។
ការបើកដែនអាកាសរបស់អារ៉ាប៊ី សាអ៊ូឌីត សម្រាប់យន្តហោះចម្បាំងអុីស្រាអែលឆ្លងកាត់ កើតឡើងក្រោយពេលដែលមេទ័ពអុីរ៉ង់ព្រមានថា នឹងមាន«ព្យុះមីស៊ីល»ទៅលើទីតាំងនានាក្នុងប្រទេសអុីស្រាអែលក្នុងពេលឆាប់ៗខាងមុខ។
នៅពេលនេះអុីរ៉ង់ក៏បានរកឃើញថា អាវុធដែលប្រើប្រាស់ដើម្បីធ្វើឃាតអ្នកវិទ្យាសាស្ត្របរមាណូរបស់អុីរ៉ង់ គឺផលិតនៅក្នុងប្រទេសអុីស្រាអែល។ ទាំងនោះហើយជួយឲ្យអុីរ៉ង់មានភស្តុតាងគ្រប់គ្រាន់ដើម្បី វាយប្រហារទៅលើអុីស្រអែល ។ មន្ត្រីយោធាជាន់ខ្ពស់អុីរ៉ង់បញ្ជាក់ថាការវាយប្រហារមិនប្រញាប់នោះឡើយ គឺត្រូវរៀបចំឲ្យបានល្អបំផុត ជៀសវាងហេតុការណ៍អាក្រក់ដូចកាលពីវាយប្រហារនៅអុីរ៉ាក់ ហើយទាហានការពារអុីរ៉ង់បានវាយប្រហារច្រឡំទៅលើយន្តហោះដឹកអ្នកដំណើរបង្កឲ្យមានវិបត្តិ៕ដោយ៖ធី រីណា
