សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តកូរ៉េពីរគ្រឿងបេីកកៀរគ្នានៅស្តុបចម្ការដូង ធ្វេីឲ្យរថយន្តមួយគ្រឿងខ្ទាតទៅបុកកន្លែងលក់សាច់អាំងបណ្ដាលឲ្យរងការខូចខាតយ៉ាងដំណំ និងធ្វេីឲ្យអ្នកលក់ដូរទីនោះរត់ចែកជេីងគ្នាបង្កការភ្ញាក់ផ្អេីលកាលពីវេលាម៉ោង១១ និង៤០នាទីយប់ថ្ងៃទី២ ខែធ្នូ ឆ្នាំ២០២០ នៅត្រង់ចំណុចភ្លើងស្តុបបចម្ការដូង តាមបណ្តោយផ្លូវលេខ២១៧ កែងផ្លូវចូលសាលាកសិកម្ម ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
បេីតាមសម្ដីស្ត្រីម្នាក់ជាអ្នកលក់សាច់អាំងនៅកន្លែងកេីតហេតុបានឲ្យដឹងថា នៅពេលកេីតហេតុរូបគាត់កំពុងតែលក់សាច់អាំងធម្មតា ពេលនោះគាត់ឃេីញរថយន្តកូរ៉េមួយគ្រឿងជារថយន្តឃ្លុបទូកុងតឺន័រ ពណ៌លឿង ពាក់ស្លាកលេខភ្នំពេញ 3E-2966 បើកតាមបណ្ដោយផ្លូវបេតុងព្រៃសក្នុងទិសដៅពីលិចទៅកេីតហេីយឆ្លងផ្លូវបានពាក់កណ្ដាលក៏ស្រាប់តែមានរថយន្តកូរ៉េមួយគ្រឿងទៀតឃ្លុបទូកុងតឺន័រ ពណ៌ខៀវ ពាក់ស្លាកលេខភ្នំពេញ3E-3651 បានបើកតាមបណ្ដោយផ្លូវបេតុងលេខ២១៧ក្នុងទិសដៅពីត្បូងទៅជេីងក្នុងល្បឿនលឿន ហេីយក៏បានបុកបញ្ឆិតក្បាលរថយន្តកូរ៉េ ពណ៌លឿងបន្តិច រួចរេចង្កូតទៅបុកកន្លែងលក់សាច់អាំងបណ្ដាលឲ្យខូចខាតសម្ភារមួយចំនួនធំ រីឯរថយន្តបង្កហេតុបានរងការខូចខាតផ្នែកខាងមុខយ៉ាងដំណំផងដែរ តែក្នុងករណីនេះមិនបណ្ដាលឲ្យមនុស្សណាម្នាក់រងរបួសនោះទេ ។
ក្រោយកេីតហេតុ សមត្ថកិច្ចមូលដ្ឋាននិងជំនាញចរាចរណ៍ខណ្ឌដង្កោ បានចុះមកពិនិត្យស្ថានភាពជាក់ស្ដែងគឺមិនឃេីញមានបង្កការខូចខាតដល់សម្បត្តិរដ្ឋទេីបសមត្ថកិច្ចជួយសម្របសម្រួលឱ្យភាគីទាំង៣ឲ្យត្រូវរ៉ូវគ្នា ដោយភាគីខាងរថយន្តបង្កកូរ៉េពណ៌ខៀវ ព្រមសងថ្លៃខូចខាតទៅខាងអ្នកលក់សាច់អាំងចំនួន៤០០ដុល្លារ និងខាងរថយន្តកូរ៉េ ពណ៌លឿង ចំនួន១០០$ ដេីម្បីបញ្ចប់រឿងនៅនឹងកន្លែងតែម្ដង ៕ដោយ៖ភារ៉ា ដង្កោ
