សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តដឹកខ្សាច់យ៉ាងលឿនមិនប្រយ័ត្នក៏បានជ្រុលទៅបុកពីក្រោយម៉ូតូម៉ាកហុងដាឌ្រីម បណ្តាលឲ្យរងរបួសស្រាល រួចហើយបន្តបេីករត់គេចតែត្រូវសមត្ថកិច្ចឃាត់បានមកវិញ កាលពីវេលាម៉ោង១២និង១០នាទីរំលងអធ្រាត្រឈានថ្ងៃទី៧ ខែធ្នូ ឆ្នាំ២០២០នៅត្រង់ចំណុចគល់ស្ពានព្រះមុនីវង្សថ្មី តាមបណ្ដោយផ្លូវជាតិលេខ១ ក្នុងសង្កាត់ច្បារអំពៅទី២ ខណ្ឌច្បារអំពៅ។
យោងតាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេល
កេីតហេតុ គេឃេីញបុរសម្នាក់បេីកបរម៉ូតូមួយគ្រឿងម៉ាកហុងដាឌ្រីម ស៊េរឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ1FT-0859 តាមបណ្តោយផ្លូវជាតិលេខ១ ក្នុងទិសដៅពីកេីតទៅលិច លុះមកដល់កន្លែងកេីតហេតុក៏មានរថយន្តមួយគ្រឿងទៀតម៉ាកDONGFANG ពណ៌ស ជាប្រភេទឡានដឹកខ្សាច់ ពាក់ស្លាកលេខ ភ្នំពេញ3F-0110 ដែលបេីកបរដោយបុរសម្នាក់បេីកស្របទិសគ្នាមកពីក្រោយម៉ូតូក្នុងល្បឿនយ៉ាងលឿន ហើយមិនប្រយ័ត្នក៏ជ្រុលទៅបុកម៉ូតូចំពីក្រោយពេញទំហឹងបណ្តាលឲ្យអ្នកបេីកបរម៉ូតូខ្ទាតចេញពីម៉ូតូរងរបួសស្រាល និងបណ្តាលឲ្យម៉ូតូរងការខូចខាតផ្នែកខាងក្រោយនឹងផ្នែកខាងមុខ។ ភ្លាមៗនោះរថយន្តបង្កហេតុក៏ព្យាយាមបន្តបេីករត់ចេញពីកន្លែងកេីតហេតុ តែត្រូវបានប្រជាពលរដ្ឋ រួមជាមួយសមត្ថកិច្ចប្រចាំការនៅគោលដៅបេីកដេញតាមពីក្រោយរហូតនិងស្ទាក់ចាប់បាននៅត្រង់ចំណុចក្រោមស្ពានអាកាសក្បាលថ្នល់។ចំណែកជនរងគ្រោះត្រូវបានដឹកបញ្ជូនទៅព្យាបាលរបួសនៅគ្លីនិកឯកជនក្បែរកន្លែងកេីតហេតុផងដែរ ។
ក្រោយពេលកេីតហេតុ សមត្ថកិច្ចមូលដ្ឋានបានចុះធ្វេីអន្តរាគមន៍ ទាក់ទងទៅសមត្ថកិច្ចជំនាញចុះមកធ្វេីការវាស់វែងយកម៉ូតូនិងរថយន្តបង្កទៅរក្សាទុកនៅអធិការដ្ឋាននគរបាលខណ្ឌ ច្បារអំពៅ រង់ចាំធ្វេីការដោះស្រាយពេលក្រោយ៕ ដោយ៖ ភារ៉ា ដង្កោ
