សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ កម្លាំងអធិការដ្ឋាននគរបាលស្រុកពញាក្រែក សហការជាមួយកម្លាំងប៉ុស្តិ៍នគរបាលរដ្ឋបាលវាលម្លូនិងកម្លាំងជំនាញខេត្ត ចុះបង្ក្រាបទីតាំងបេីកបញ្ជល់មាន់ស៊ីសងនៅចំណុចចម្ការកៅស៊ូខាងលិចភូមិកប្បាស ស្ថិតក្នុងភូមិកប្បាស ឃុំវាលម្លូ តែអ្នកលេងរត់គេចខ្លួនអស់ បន្សល់ទុកតែវត្ថុតាងមួយចំនួនប៉ុណ្ណោះ។
ការបង្ក្រាបនេះធ្វេីឡើងនៅវេលាម៉ោង១២និង៣០នាទីថ្ងៃទី១៤ ខែធ្នូ ឆ្នាំ២០២០ ខណៈសមត្ថកិច្ចបន្តចុះល្បាតចល័តនៅតំបន់ងាយរងគ្រោះ ។
សមត្ថកិច្ចចាប់យកវត្ថុតាងនៅកន្លែងកើតហេតុមាន ៖ ម៉ូតូម៉ាកsuzuki ស្មាស់(ចាស់)១គ្រឿង, មាន់ជល់ចំនួន២ក្បាល (ងាប់ស្រាប់) និងកន្ត្រកដាក់មាន់ចំនួន១។
ចំពោះវត្ថុតាងខាងលើសមត្ថកិច្ចយកមករក្សាទុកនៅអធិការដ្ឋាននគរបាលស្រុក ៕ ដោយ ៖ វណ្ណៈ
