សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ដើម្បីរួមគិតរួមធ្វើរួមទទួលខុសត្រូវ ដើម្បីសង្គម និងបំរើសេវាជូនប្រជាពលរដ្ឋក្នុងមូលដ្ឋានដោយមានការស្នើសុំពីលោកអនុភូមិភិ ឃុំសេសានរួចមកលោកអធិការស្រុកអូរយ៉ាដាវបានជួយដឹកស្ត្រីឈឺពោះឆ្លងទន្លេទៅមណ្ឌលសុខភាពឃុំសោមធំ ស្រុកអូរយ៉ាដាវបានដោយសុវត្ថិភាព។
ការជួយសង្គ្រោះបញ្ជូនស្រ្តីឈឺពោះឆ្លងទន្លេនោះលោកវរសេនីយ៍ឯក សូយ សំណាង អធិការស្រុកអូរយ៉ាដាវបានដឹកនាំកម្លាំងធ្វើឡើងនៅវេលាម៉ោង៦.០០នាទីព្រឹកថ្ងៃទី១៥ខែធ្នូ ឆ្នាំ២០២០នៅភូមិភិ ឃុំសេសាន ស្រុកអូរយ៉ាដាវ ខេត្តរតនគិរី។
ក្នុងសកម្មភាពមនុស្សធម៌នោះលោក វរសេនីយ៍ឯក សូយ សំណាង អធិការនគរបាលស្រុកអូរយ៉ាដាវរួមនិងលោកពលបាលឯក ហែម រដ្ឋា បានជួយដឹកស្ត្រីឈឺពោះឆ្លងទន្លេ ឈ្មោះ ក្លាន ហ្យើញ អាយុ ៣១ឆ្នាំ រស់នៅភូមិភិ ឃុំសេសាន ស្រុកអូរយ៉ាដាវ ខេត្តរតនគិរីឱ្យមកមណ្ឌលសុខភាពឃុំសោមធំ ស្រុកអូរយ៉ាដាវ ខេត្តរតនគិរីប្រកបដោយសុវត្តិភាពផងដែរ៕
ដោយ៖ ជីវ័ន្ត
