សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមួយក្រុមប្រដាប់ដោយកាំបិតនិងដាវបានដេញកាប់ប្រហារយុវជនម្នាក់និងនារីម្នាក់ទៀតបណ្តាលឲ្យរងរបួសរួចប្លន់យកម៉ូតូស៊េរីឆ្នាំ២០២០ឡេីងតែម២០២១ បានសម្រេចរួចគេចខ្លួនបាត់ដោយសុវត្ថិភាពដោយមិនរំខានដល់សមត្ថកិច្ច។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង១០និងនិង១០នាទីយប់ថ្ងៃទី១៩ ខែធ្នូឆ្នាំ២០២០ នៅខាងត្បូងក្លោងទ្វារវត្តព្រៃស្ពឺ តាមបណ្តោយផ្លូវជាតិលេខ៣ ក្នុងសង្កាត់កន្ទោក ខណ្ឌកំបូល។
ជនរងគ្រោះឈ្មោះ យិន យ៉េន ភេទប្រុសអាយុ២៦ឆ្នាំមុខរបរជាងម៉ាសុីនផលិតដបទឹកសុទ្ធ ស្នាក់នៅសង្កាត់ច្បារអំពៅ ខណ្ឌច្បារអំពៅ។ ម៉ូតូដែលជនសង្ស័យកាប់ប្លន់យកនោះម៉ាកឌ្រីមសង់ស៊េរីឆ្នាំ២០២០ តែឡេីងតែមឆ្នាំ២០២១ ពណ៌ខ្មៅ ពាក់ស្លាកលេខភ្នំពេញ1IN 8749 ។
តាមសម្តីជនរងគ្រោះបានឲ្យដឹងថា មុនពេលកេីតហេតុរូបគាត់បានជិះម៉ូតូចេញពីផ្ទះពូនៅម្តុំអូឌឹម ជាមួយមិត្តភក្តិ ដោយជិះម៉ូតូតាម បណ្តោយផ្លូវជាតិលេខ៣ក្នុងទិសដៅពីជេីងទៅត្បូងខណៈមកដល់ចំណុចកេីតហេតុដោយសារជិះច្រឡំផ្លូវដោយការដ្ឋានកំពុងសាងសង់ផ្លូវចាក់ខ្សាច់បិទផ្លូវម្ខាងភ្លាមនោះរូបគាត់ក៏បត់ម៉ូតូទៅក្រោយវិញ ស្រាប់តែមានជនសង្ស័យមួយក្រុមមានគ្នាជិត១០នាក់ម៉ូតូ៤ទៅ៥គ្រឿងប្រដាប់ដោយកាំបិតមកកាប់ប្រហារបណ្តាលឲ្យរងរបួសធ្ងន់ធ្វេីឲ្យគាត់ភ័យរត់ចេញពីម៉ូតូ។ បន្ទាប់មកជនសង្ស័យក៏យកម៉ូតូរបស់ជនរងគ្រោះជិះគេចខ្លួនបាត់ទៅ។
ក្រោយកេីតហេតុអស់រយៈពេលជាយូទេីបឃេីញវត្តមានសមត្ថកិច្ចមូលដ្ឋានចុះទៅដល់ចំណុចកេីតហេតុពិនិត្យជាក់ស្តែងរួចបានឲ្យជនរងគ្រោះទៅផ្ទះសម្រាកចាំព្រឹកស្អែកចាំមកទទួលពាក្យបណ្តឹង។
សូមបញ្ជាក់ផងដែរថា មួយរយៈនេះក្នុងមូលដ្ឋានខណ្ឌកំបូលតែងតែមានបទល្មេីសកេីតឡេីងជាញឹកញាប់ធ្វេីឲ្យប្រជាពលរដ្ឋមានការភ័យខ្លាចសង្ឃឹមថា លោកហង្ស មុនី អធិការនគរបាលខណ្ឌកំបូលនិងមានវិធានការចំពោះក្រុមជនសង្ស័យទាំងនេះ៕
ដោយ៖សុខាសែនជ័យ
