ប្រធានាធិបតីនេប៉ាល់ប្រកាសរំលាយរដ្ឋសភា

ចែករំលែក៖

នៅថ្ងៃទី២០ខែធ្នូ ប្រធានាធិបតី នេប៉ាល់ លោកស្រី Bidya Devi Bhandari ប្រកាសរំលាយរដ្ឋសភា ក្រោយនាយករដ្ឋមន្ត្រី KP Sharma Oli លើកសំណើរទៅកាន់ ប្រធានាធិបតីដោយសារតែមានវិវាទផ្ទៃក្នុងកាន់តែខ្លាំងក្នុងគណបក្សកាន់អំណាច។
នៅក្នុងសេចក្តីប្រកាសចេញពីការិយាល័យ ប្រធានាធិបតីនេប៉ាល់បានបញ្ជាក់ថា ការបោះឆ្នោត សភា នឹងត្រូវធ្វើឡើងតាម២ដំណាក់កាល គឺនៅថ្ងៃទី ៣០ខែមេសាឆ្នាំ២០២១ និងថ្ងៃទី១០ខែឧសភាឆ្នាំ២០២១ ។
កន្លងមករដ្ឋមន្ត្រីក្រសួងការងារ និងសង្គមកិច្ច នេប៉ាល់ លោក Rameshwor Raya Yadav បានឲ្យដឹងថា នាយករដ្ឋមន្ត្រី Sharma Oli បានឲ្យដឹងថា តាមសំណើររបស់ នាយករដ្ឋមន្ត្រី KP Sharma Oli និងគណៈរដ្ឋមន្ត្រី ស្នើឲ្យប្រធានាធិបតីរំលាយរដ្ឋសភារៀបចំបោះឆ្នោតជាថ្មី ដោយពេលនេះពិបាកធ្វើការមិនចុះសម្រុងនិងគ្នា។
បច្ចុប្បន្នគណបក្សសាធារណរដ្ឋនេប៉ាល់ ដឹកនាំដោយនាយករដ្ឋមន្ត្រី KP Sharma Oli មានកៅអីក្នុងសភាសរុប ១៧៣ ក្នុងចំណោម២៧៥ កៅអីក្នុងសភា៕ដោយ៖ធី រីណា