សារព័ត៌មាន នគរវត្ត តែងតែនាំមុខគេជានិច្ច
ក្រុមអ្នកគាំទ្រលោកត្រាំជាង៦ម៉ឺននាក់ បានសរសេរលើបណ្តាញសង្គមហ្វេសប៊ុកពីគម្រោងរៀបចំពិធីចូលកាន់តំណែងប្រធានាធិបតីអាណត្តិទីពីររបស់លោកដូណាល់ត្រាំ។ ការរៀបចំនេះនឹងត្រូវធ្វើឡើងនៅថ្ងៃទី២០ខែមករាឆ្នាំ២០២១ ដូចថ្ងៃដែលលោកបៃឌិនចូលកាន់តំណែងដែរ។
នៅលើបណ្តាញសង្គម បានបង្ហោះថា«យើងជាពលរដ្ឋដែលមានគ្នាជាង៣២៥ពាន់នាក់គាំទ្រលោកដូណាល់ ត្រាំឲ្យកាន់តំណែងដឹកនាំអាមេរិកជាបន្តទៀត»។ ពិធីខាងលើនឹងរៀបចំឡើងដោយក្រុមមានឈ្មោះថា Ilir Chami និង Evi Kokalari ដែលតែងតែគាំទ្រលោកត្រាំក្នុងសកម្មភាពឃោសនាបោះឆ្នោត។
នៅក្នុងអត្ថបទដែលក្រុម Evi Kokalari បានបង្ហោះលើបណ្តាញសង្គមហ្វេសប៊ុក ត្រូវបានបិទស្លាកសញ្ញាមិនទទួលខុសត្រូវពាក់ព័ន្ធ នឹងសកម្មភាពឃោសនាខុសច្បាប់ ។ ហ្វេសប៊ុកបញ្ជាក់ថា លោក បៃឌិនគឺជាអ្នកជាប់ឆ្នោតប្រធានាធិបតីអាមេរិក ហើយលោកបៃឌិននឹងចូលកាន់តំណែងប្រធានាធិបតីទី ៤៦របស់អាមេរិក នៅថ្ងៃទី២០ខែមករាឆ្នាំ២០២១។
នៅថ្ងៃទី៦ខែមករា គឺជាពេលវេលាដែលរដ្ឋសភាបើកកិច្ចប្រជុំ ក្រោមអធិបតីភាពរបស់អនុប្រធានាធិបតី និង ប្រធានរដ្ឋសភា ដើម្បីបញ្ជាក់ពីលទ្ធផលបោះឆ្នោតដែលបណ្តារដ្ឋទទួលស្គាល់ ។ នេះជាដំណាក់កាលចុងក្រោយបំផុត មុនពេលប្រធានាធិបតីថ្មីចូលកាន់តំណែង៕ដោយ៖ធី រីណា
