អឺរ៉ុបទទួលបានវ៉ាក់សាំង នឹងចាប់ផ្តើមចាក់ជូនពលរដ្ឋរបស់ខ្លួន

ចែករំលែក៖

ប្រទេសតំបន់អឺរ៉ុបទាំង២៧ បានចាប់ផ្តើមចាក់វ៉ាក់សាំងប្រឆាំងកូវីដ-១៩។ នៅថ្ងៃទី២៦ខែធ្នូវ៉ាក់សាំងដំបូងបានចែកចាយនៅប្រទេសអាល្លឺម៉ង់។ រថយន្តដឹកវ៉ាក់សាំងរបស់ក្រុមហ៊ុនPfizer/BioNTech បានទៅដល់១៦រដ្ឋរបស់អាល្លឺម៉ង់។ នៅថ្ងៃទី២៧ ខែធ្នូ អាល្លឺម៉ង់ចាប់ផ្តើមចាក់វ៉ាក់សាំង។

រដ្ឋមន្ត្រីក្រសួងសុខាភិបាលអាល្លឺម៉ង់បានឲ្យដឹងថា អាល្លឺម៉ង់នឹងចាប់ផ្តើមចាក់វ៉ាក់សាំង កូវីដ-១៩ដល់ពលរដ្ឋ១,៣លាននាក់ ហើយនៅក្នុងឆ្នាំ២០២១ នឹងចាក់ដល់ពលរដ្ឋទាំងអស់។
រដ្ឋមន្ត្រីក្រសួងសុខាភិបាលអាល្លឺម៉ង់ លោកJens Spahn បានឲ្យដឹងថា « នេះជាសារណូអ៊ែល ប្រកបដោយក្តីសុខបំផុត ។ ពេលនេះរថយន្តដឹកវ៉ាក់សាំងបានទៅដល់បណ្តារដ្ឋ ក្នុងប្រទេសអាល្លឺម៉ង់ ។ វ៉ាក់សាំងគឺជាកន្លឹះដើម្បីយកឈ្នះលើកូវីដ-១៩»។ នៅក្នុងប្រទេសអាល្លឺម៉ង់ និងប្រទេសផ្សេងទៀត គឺបុគ្គលដែលងាយរងគ្រោះជាងគេ គឺត្រូវចាក់វ៉ាក់សាំងមុនគេ គឺគ្រូពេទ្យ និងមនុស្សចាស់។
នៅព្រឹកថ្ងៃទី២៧ខែធ្នូនេះវ៉ាក់សាំងកូវីដ-១៩ បណ្តាប្រទេស ដូចជា បារាំង អុីតាលី ប៊ែលហ្ស៊ិក អេស្ប៉ាញ ក្រិច ហុងគ្រី… បានចាប់ផ្តើមចាក់វ៉ាក់សាំងប្រឆាំងកូវីដ-១៩ ។ អឺរ៉ុបមានពលរដ្ឋសរុប ៤៥០លាននាក់ នឹងទទួលបានវ៉ាក់សាំង គ្រប់ៗគ្នា ក្នុងពេលឆាប់ៗ៕