សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍រដ្ឋបាលទឹកថ្លាឃាត់ខ្លួននិងចាប់យកថ្នាំញៀនចំនួន៥៣ថង់តូចរួមជាមួយវត្ថុតាងមួយចំនួនទៀត កាលពីវេលាម៉ោង១២ និង៣០នាទី ថ្ងៃទី២៣ ខែមករា ឆ្នា២០២១ នៅចំណុចផ្លូវបេតុង ភូមិបុរីកម្មករ សង្កាត់ទឹកថ្លា ខណ្ឌសែនសុខ ។
ជនសង្ស័យឈ្មោះសេក ណារ៉ូ ភេទប្រុស អាយុ២៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួលក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខ ។
សមត្ថកិច្ចប្រាប់ថា ការឃាត់ខ្លួនជនសង្ស័យខាងលើគឺកម្លាំងជំនាញបានស្រាវជ្រាវរហូតឈានដល់ការបង្ក្រាបនិង ចាប់យកវត្ថុតាងមានម្សៅក្រាមពណ៌សថ្លា ៥៣កូនថង់តូច និងទូរសព្ទ័ដៃ១គ្រឿង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិីតិវិធី ៕
ដោយ៖ ចន្ទ លីហ្សា
