លោកស្រីកិត្តិសង្គហបណ្ឌិត ម៉ែន សំអន បានដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ ២០២០ និងលើកទិសដៅការងារអនុវត្តបន្តសម្រាប់ឆ្នាំ២០២១ របស់គណៈចលនាមហាជន

   ភ្នំពេញ៖ លោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានគណៈចលនាមហាជន បានដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ ២០២០ និងលើកទិសដៅការងារអនុវត្តបន្តសម្រាប់ឆ្នាំ២០២១ របស់គណៈចលនាមហាជន នាព្រឹកថ្ងៃអង្គារ ១៣កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ២៦ ខែមករាឆ្នាំ ២០២១ នៅវិមាន ៧មករា ។

នាឱកាសនោះផងដែរ ក៏មានការប្រកាសនូវសមាសភាព អនុប្រធាន ០១រូប និង សមាជិក សមាជិកា ចំនួន ៤រូប បន្ថែមទៀត នៅក្នុងរចនាសម្ព័ន្ធរបស់គណៈចលនាមហាជន នៃគណៈកម្មាធិការកណ្តាល គណបក្សប្រជាជនកម្ពុជា ។ លោកស្រីក៏បានផ្តាំផ្ញើរឲ្យ លោកលោកស្រី ដែលទើបទទួលបានការតែងតាំថ្មី ត្រូវរួមសហការគ្នា ក្នុងការបំពេញការងារដោយផ្អែកលើតួនាទីភារកិច្ចរបស់ខ្លួន ដែលគណបក្សបានប្រគល់ជូន សំដៅជំរុញប្រសិទ្ធភាពការងារគណៈចលនាមហាជន ឲ្យទទួលបានជោគជ័យបន្ថែមទៀត ប្រកប ដោយប្រសិទ្ធភាពខ្ពស់៕

ដោយ៖ សិលា