សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រងរបួសធ្ងន់ត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗខណៈជិះម៉ូតូឆ្លងផ្លូវត្រូវរថយន្តហ៊ីយ៉ាន់ដាយដឹកឥដ្ឋបុកកាលពីវេលាម៉ោង១និង៣០នាទីរសៀលថ្ងៃទី៨ខែកុម្ភៈឆ្នាំ២០២១ នៅចំណុចមុខសាលាសង្កាត់ចោមចៅទី៣ តាមបណ្តោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកវីវ៉ា ពណ៌ក្រហម លាយខ្មៅ ពាក់ស្លាកលេខភ្នំពេញ1BP- 7758 តាមបណ្តោយផ្លូវតាកនក្នុងទិសដៅពីជេីងទៅត្បូងហេីយបានបើកឆ្លងផ្លូវជាតិលេខ៤ក្នុងបំណងបត់ទៅកេីត ប៉ុន្តែពេលបើកឆ្លងផុតរបាំងថ្មពុះចែកទ្រូងផ្លូវបានបន្តិចស្រាប់តែមានរថយន្តហ៊ីយ៉ាន់ដាយដឹកឥដ្ឋពណ៌ស ពាក់ស្លាកលេខកំពត 3A-1605 បើកតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតក្នុងល្បឿនលឿនចាប់ហ្វ្រ័ងមិនទាន់ក៏ជ្រុលទៅបុកនិងអូសជនរងគ្រោះប្រហែល១០ម៉ែត្របណ្តាលឲ្យរងរបួសធ្ងន់។
ក្រោយកេីតហេតុតៃកុងរថយន្តបង្កហេតុបានចុះពីលេីរថយន្តរត់គេចខ្លួនបាត់ទៅ ចំណែកជនរងគ្រោះត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ។ដោយឡែករថយន្តបង្កហេតុនិងម៉ូតូត្រូវបានសមត្ថកិច្ចមូលដ្ឋានទាក់ទងទៅជំនាញមកធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយគ្នាតាមច្បាប់៕
ដោយ៖សុខា សែនជ័យ
