ជិះម៉ូតូខុសផ្លូវដួលបោកស្លាប់១យប់ទើបប្រទះឃើញសព

ខេត្តពោធិ៍សាត់ ៖ បង្កការភ្ញាក់ផ្អើលដល់អ្នកភូមិ និងអាជ្ញាធរមានសមត្តកិច្ចមូលដ្ឋាន ខណៈប្រទះឃើញសពបុរស១នាក់នៅក្បែម៉ូតូ១គ្រឿង ដែលគេសង្ស័យជាករណីគ្រោះថ្នាក់ចរាចរណ៍ បណ្ដាលមកពីកក្តាល្បឿនលឿនខុសផ្លូវ ។

ហេតុការណ៍ប្រទះឃើញសពបុរស១នាក់ខាងលើ នាព្រឹកថ្ងៃព្រហស្បតិ៍ ៧កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៨ ខែកុម្ភៈ ឆ្នាំ២០២១ នៅក្បែចិញ្ចើមផ្លូវកៅស៊ូ១ខ្សែ ត្រង់ចំណុចត្រពាំងខ្ទុម ស្ថិតនៅភូមិសំរោង១ ឃុំសំរោង ស្រុកតាលោសែនជ័យ ខេត្តពោធិ៍សាត់ ។

ប្រភពរាយការណ៍នានាពីកន្លែងកើតហេតុ ជនរងគ្រោះ(ស្លាប់)ត្រូវបានគេស្គាល់ឈ្មោះ វ៉ង វណ្ណា ភេទប្រុស អាយុ ២៤ឆ្នាំ ជនជាតិខ្មែរ មានទីលំនៅភូមិអូរជ្រៃ ឃុំ.ស្រុកកំរៀង ខេត្តបាត់ដំបង ចំណែកម៉ូតូម៉ាក ហុងដាឌ្រីម សេ១២៥ សេរីឆ្នាំ២០១៤ ពណ៏ខ្មៅ ពាក់ស្លាកលេខ បាត់ដំបង 1T 5624 ។

ប្រភពដដែលបន្តទៀតថា ការពិតជនរងគ្រោះខាងលើអាចកើតឡើងតាំងពី វេលាម៉ោង៧ យប់ថ្ងៃទី១៧ ខែកុម្ភៈ ឆ្នាំ២០២១ ខណៈគេឃើញមានម៉ូតូ១គ្រឿងបើកបរក្នុងល្បឿនលឿនមកពីទិសខាងលិច លុះមកដល់កន្លែងកើតហេតុ មិនដឹងជាយ៉ាងដូចម្ដេចក៍សំម្លេងប្រាវៗប៉ុន្តែគេពុំចាប់អារម្យ ករណីនេះគេឃើញសមត្ថកិច្ចចុះពិនិត្យ និងធ្វើការស្រាវជ្រាវ ទើបធ្វើកំណត់ហេតុប្រគល់សពជូនទៅក្រុមគ្រួសារសាច់ ដើម្បីទទួលយកទៅចាត់ចែងធ្វើបុណ្យតាមប្រពៃណី ៕ ដោយៈ បុឹម ពិន