មេខ្លោងប្រព្រឹត្តបទល្មើសព្រៃឈើផ្តាច់មុខ នៅស្រុកឱរ៉ាល់ ផ្អាកចេញឈើយប់មិញ, ព្រឹកនេះគណៈបញ្ជាការឯកភាពស្រុក ប្រជុំជាមួយអាជ្ញាធរ សមត្ថកិច្ច ជំនាញ ការងារបន្ទាន់

ខេត្តកំពង់ស្ពឺ៖ មិនដឹងថា ឈើដែលលោក ណុប ឌី ដែលត្រូវប្រមូលទិញ បានអស់ ឬអាជ្ញាធរ សមត្ថកិច្ច ជំនាញ អោយផ្អាកដឹកយ៉ាងណានោះទេ ប៉ុន្តែយប់មិញ ស្ងាត់ឈឹង ទាំងមេការ ណុប ឌី ជិះឡានឆ្លាម , ទាំងនាយរងប៉ុស្តិ៍សង្កែសាទប ជិះឡានបាឡែន ពណ៌ខ្មៅ អត់បង្ហាញវត្តមាន តាមមើលផ្លូវដូចមុនទៀតទេ ហើយការដឹកជញ្ជូនឈើបានស្ងាត់១យប់ផងដែរ។

គេបានរាយការណ៍មកថា នៅព្រឹកថ្ងៃទី៤ ខែមីនា ឆ្នាំ២០២១ គណៈបញ្ជាការឯកភាពស្រុកបានដឹកនាំប្រជុំការងារជាបន្ទាន់មួយផងដែរ។
ឈ្មួញ ណុប ឌី មិនត្រឹមតែជាមេខ្លោងក្នុងការប្រមូលទិញឈើ ដឹកជញ្ជូនឈើ ដែលកាប់ចេញពីតំបន់ដែនជម្រកសត្វព្រៃភ្នំឱរ៉ាល់ ប៉ុណ្ណោះទេ គាត់ក៏បានប្រើប្រាស់ឡានពាក់លេខ(ខម)ទាំងបង, ទាំងប្អូន ។ ក្នុងនោះក៏រៀបចំផែនការអោយកូនប្រុស និងប្អូន ជាអ្នកចាត់ចែងមើលកន្លែងលើកឈើ ហើយខ្លួនមានភារកិច្ចប្រមូលសមត្ថកិច្ចមួយចំនួនមកផឹកស៊ីពេលយប់។
អ្នកយកលុយក្បាលឡាន អ្នកយកលុយប្រចាំខែ ក៏មិនសូវសុខក្នុងផ្លូវចិត្តប៉ុន្មានដែរ ខណៈបែកធ្លាយជាប្រព័ន្ធនៃអំពើពុករលួយ បទល្មើសព្រៃឈើ នៅស្រុកឱរ៉ាល់ ហើយលោក ណុប ឌី ថែមទាំងធ្លោយថា, បើគាត់មិនដឹកឈើ គឺ”អាណិតមន្ត្រីរាជការ តើគាត់បានលុយអីចាយ” ដូច្នេះក៏ប្រឹងដឹកចុះដើម្បីជួយដល់មន្រ្តីរាជការ .… ៕

ដោយ៖ សិលា