សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បុរសវិកលចរិតម្នាក់បានលង់ទឹកស្លាប់ខណៈផឹកស្រាស្រវឹងជោកជាំនៅក្នុងរោងការកូនអ្នកស្រុក រួចហើយដើរទៅក្រោយភូមិរអិលជើងធ្លាក់ចូលស្រះចិញ្ចឹមត្រីគ្មានអ្នកដឹងជួយសង្គ្រោះទាន់ពេល។
ហេតុការណ៍មនុស្សលង់ទឹកស្រះចិញ្ចឹមត្រីស្លាប់នោះបានកើតឡើងនៅវេលាម៉ោងប្រហែល១រំលងអធ្រាត្រឈានចូលថ្ងៃទី០៥ខែមីនាឆ្នាំ២០២១នៅចំណុចក្រោយភូមិជ្រោយស្នែងក្របីក្រោម ឃុំកំពង់គរ ស្រុកព្រែកប្រសប់ ខេត្តក្រចេះ។
ប្រភពពីសមត្ថកិច្ចបានឱ្យដឹងថាជនរងគ្រោះឈ្មោះ សាញ់ ទិត្យ ភេទប្រុស អាយុ២៥ឆ្នាំជាមនុស្សវិកលចរិត រស់នៅភូមិឃុំកើតហេតុខាងលើ។
ប្រភពបន្តថា ជនរងគ្រោះក្រោយពីផឹកស្រាស្រវឹងជោកជាំនៅក្នុងរោងការហើយក៏ដើរទៅខាងក្រោយភូមិស្រាប់តែរអិលជើងធ្លាក់ទៅក្នុងស្រះចិញ្ចឹមត្រីលង់ទឹកស្លាប់តែម្ដង។
ក្រោយកើតហេតុសមត្ថកិច្ចបានចុះទៅដល់ធ្វើការត្រួតពិនិត្យនិងធ្វើកោសល្យវិច័យ រួចហើយក៏បានប្រគល់សពឱ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕
ដោយ៖ ជីវ័ន្ត
