បុរសម្នាក់បានស្លាប់ភ្លាមៗនៅនឹងកន្លែងកើតហេតុដោយគ្រោះថ្នាក់ចរាចរណ៍

ខេត្តព្រះសីហនុ៖ បុរសម្នាក់ភាគីខាងម៉ូតូ បានស្លាប់ភ្លាមៗនៅនឹងកន្លែងដោយគ្រោះថ្នាក់ចរាចរណ៍ នៅវេលាម៉ោង៦និង០០នាទីល្ងាចថ្ងៃទី២៤ ខែមីនាឆ្នាំ២០២១  លើផ្លូវជាតិលេខ៤ ចន្លោះ គីឡូម៉ែត្រ១៧១-១៧២ ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។ សមត្ថកិច្ចបានប្រាប់ឲ្យដឹងថា គ្រោះថ្នាក់ចរាចរណ៍នេះ កើតឡើង រវាងម៉ូតូHONDA DREAM 125  ស្លាកលេខ កោះកុង 1B-9825 ពណ៌ខ្មៅ (ទិសដៅ ព្រះសីហនុ-ភ្នំពេញ)   អ្នកបើកបរឈ្មោះ ឆា រដ្ឋា  ភេទប្រុស អាយុ ៣៤ឆ្នាំ  ទីលំនៅបច្ចុប្បន្ន ភូមិសំរុងក្រោម ឃុំសំរុង ស្រុកព្រៃនប់ ខេត្ត ព្រះសីហនុ (ស្លាប់ ) និង រថយន្ត ម៉ាកHYUNDAI ដឹកទូកុងតឺន័រ ពាក់ស្លាកលេខ ភ្នំពេញ 3B-4161 (ទិសដៅស្របគ្នា) ។ ក្រោយកើតហេតុ អ្នកបើកបររថយន្តបានចុះរត់គេច(មិនទាន់ស្គាល់ឈ្មោះ ) ។ ចំណែកម៉ូតូនិងរថយន្តត្រូវបានសមត្តកិច្ចយកទៅរក្សាទុកនៅអធិការដ្ឋាននគរបាលស្រុកព្រៃនប់។

បច្ចុប្បន្នករណីនេះ កម្លាំងអធិការដ្ឋាននគរបាលស្រុកព្រៃនប់ បានដោះស្រាយបន្តតាមនីតិវិធីច្បាប់៕

ដោយ៖ឆ្លាម សមុទ្រ