សារព័ត៌មាន នគរវត្ត តែងតែនាំមុខគេជានិច្ច
កីឡាករ Daniele De Rossi ត្រូវបានបញ្ជូនទៅមន្ទីរពេទ្យដោយរកឃើញថាឆ្លងជំងឺកូវីដ–១៩។ អតីតខ្សែបម្រើក្រុម Roma បច្ចុប្បន្នកំពុងធ្វើការជាបុគ្គលិករបស់គ្រូបង្វឹកលោក Roberto Mancini ជាមួយក្រុមជម្រើសជាតិអ៊ីតាលី ហើយគាត់បានឆ្លងជំងឺនេះអំឡុងពេលសម្រាកប្រកួតអន្តរជាតិថ្មីៗនេះ។
De Rossi វ័យ៣៧ឆ្នាំបានធ្វើតេស្តវិជ្ជមានកាលពីថ្ងៃទី៣១ ខែមីនារួមជាមួយសមាជិក២នាក់ទៀតនៃបុគ្គលិករបស់លោក Mancini ។ សារព័ត៌មានអ៊ីតាលី Corriere della Sera បានរាយការណ៍ថា ការចូលមន្ទីរពេទ្យរបស់គាត់គឺមានការប្រុងប្រយ័ត្នជាមុន ហើយបន្ទាប់ពីការណែនាំរបស់វេជ្ជបណ្ឌិតគឺការធ្វើតេស្តវិជ្ជមានកូវីដ-១៩ ។
ចាប់តាំងពីការឆ្លងជំងឺកូវីដ–១៩របស់កីឡាករ Daniele De Rossi មកមានកីឡាករអ៊ីតាលីរហូតដល់ទៅ៨នាក់ដែលបានធ្វើតេស្តលទ្ធផលវិជ្ជមានជំងឺកូវីដ–១៩ បន្ទាប់ពីចប់ការប្រកួតលក្ខណៈអន្តរជាតិកាលពីចុងខែមីនាកន្លងទៅ ៕
ដោយ៖ ភារៈ
