សារព័ត៌មាន នគរវត្ត តែងតែនាំមុខគេជានិច្ច
ក្រុម Leeds United បានយកឈ្នះក្រុមខ្លាំងកំពូលតារាងមេឃខៀវ Manchester United ក្នុងលទ្ធផល២ទល់១ ក្នុងការប្រកួតក្របខ័ណ្ឌ Premier League សប្តាហ៍ទី៣១ កាលពីរាត្រីថ្ងៃទី១០ ខែមេសា ឆ្នាំ២០២១។
សារព័ត៌មាន BBC Sport បានផ្សាយថា ការយកឈ្នះក្រុមខ្លាំងនេះ ធ្វើឲ្យក្រុម Leeds United បានបង្អាក់ដំណើរនៃការឈ្នះពិន្ទុដាច់ ដែលឈានដល់ការលើកពានមុនបិទរដូវកាលនេះ និងជាការបំបែកកំណត់ត្រារបស់ក្លិបមេឃខៀវដែលឈ្នះគ្រប់ការប្រកួត ទើបតែចាញ់មួយប្រកួតនេះប៉ុណ្ណោះ។
កីឡាករ Stuart Dallas របស់ក្រុម Leeds United បានរកគ្រាប់បាល់២គ្រាប់ដើម្បីឈ្នះក្រុម Man City ខណៈដែល Leeds Unitedនៅសល់គ្នា ១០នាក់នៅឯកីឡដ្ឋាន Etihad ។ ខ្សែបម្រើ Stuart Dallas បានផ្តល់ការភ្ញាក់ផ្អើលដល់ក្រុម Man City ដោយរកបាន១គ្រាប់នាំមុខនៅនាទីទី៤២ ក្នុងតង់ទី១។
ទោះយ៉ាងណាការបណ្តេញកីឡាករ Liam Cooper របស់ក្រុម Leeds United ដែលជាប្រធានក្រុមសម្រាប់ការប៉ះទង្គិចជាមួយ Gabriel Jesusក៏ត្រូវអាជ្ញាកណ្តាលផ្តល់កាតក្រហមដេញចេញពីការប្រកួត។
ក្រុម Man City បានគ្រប់គ្រងបាល់បានល្អនៅតង់ទី២ រកបាន១គ្រាប់សងវិញនៅនាទីទី៧៦ សម្រាប់ការរកគ្រាប់បាល់តាមស្មើរបស់គេដោយកីឡាករ Ferran Torres បានរកគ្រាប់បាល់បញ្ចូលទីជាលើកទី ១របស់គេក្នុងក្របខ័ណ្ឌ Premier League ចាប់តាំងពីខែធ្នូ។
ជិតនឹងចប់ការប្រកួតទៅហើយគឺនៅម៉ោងបន្ថែម Stuart Dallas របស់ Leeds United រកបាន១គ្រាប់បន្ថែមទៀតដែលជាគ្រាប់ជ័យជម្នះនៅនាទីទី៩០+១ ធ្វើឲ្យក្រុមនេះយកឈ្នះ Man City ២ទល់១។ លទ្ធផលនេះមានន័យថា Manchester United អាចកាត់បន្ថយការនាំមុខរបស់ Man City នៅកំពូលតារាងនៅត្រឹម៨ពិន្ទុប្រសិនបើក្រុម Manchester United ឈ្នះការប្រកួតរបស់ពួកគេនៅក្នុងដៃប្រឆាំងនឹង Tottenham និង Burnley ។ ក្រុម Man City ត្រូវតែទទួលបាន១១ពិន្ទុពី៦ប្រកួតទៀតប៉ុណ្ណោះដែលនៅសេសសល់ដើម្បីធានាបាននូវពានរង្វាន់លើកទី៣ក្នុងរយៈពេល៤រដូវកាល ។
ក្រុម Leeds បានក្លាយជាក្រុមដែលទទួលបានការចាប់អារម្មណ៍បំផុតទី៤ក្នុងការយកឈ្នះក្រុមកំពូលតារាង Premier League ក្នុងប្រវត្តិសាស្ត្រនៃការប្រកួតនេះបន្ទាប់ពីក្រុម Ipswich ប្រកួតជាមួយ Norwich កាលពីខែធ្នូឆ្នាំ១៩៩២, ក្រុម Derby ប្រកួតជាមួយ Manchester United កាលពីខែមេសាឆ្នាំ១៩៩៧ និង Hull City ប្រកួតជាមួយ Arsenal ក្នុងខែកញ្ញា ឆ្នាំ២០០៨ ។
ចំណែកក្រុម Manchester City បានរងបរាជ័យក្នុងផ្ទះលើកដំបូងរបស់ពួកគេជាមួយក្រុមដែលទើបឡើងមកលីគកំពូល នៅក្នុង៤២ប្រកួតនៃក្របខ័ណ្ឌ Premier League ចាប់តាំងពីចាញ់ ២-០ ទល់នឹង Reading កាលពីខែកុម្ភៈ ឆ្នាំ២០០៧ ៕
ដោយ៖ ភារៈ
