សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមគ្រូពេទ្យជំនាញបានចុះយកសំណាកបងប្អូនអាជីវករផ្សារជម្ពូវ័ន ចំនួន៤១១នាក់ ក្នុងមូលដ្ឋានសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ នៅថ្ងៃទី២៤ ខែមេសា ឆ្នាំ២០២១ នេះ។
លោក សុទ្ធ សុជាតិ ចៅសង្កាត់រងចោមចៅទី៣ ខណ្ឌពោធិ៍សែនជ័យ បានឲ្យដឹងថាក្រោយពីយកសំណាករួចជាលទ្ធផលរកឃេីញ អ្នកវិជ្ជមានកូវីដ-១៩ ចំនួន១៣នាក់ ស្រី៩នាក់ ប្រុស៤នាក់ ដែលជាអាជីវករផ្សារជម្ពូវ័នតែម្តង។
លោក បានបន្តថា ដោយសារតែមានអ្នកវិជ្ជមានម្នាក់បានចេញចូលក្នុងផ្សារជម្ពូវ័នទេីបនៅថ្ងៃទី២៤ ខែមេសា ឆ្នាំ២០២១នេះ ក្រុមគ្រូពេទ្យជំនាញក៏បានចុះមកយកសំណាកបងប្អូនអាជីវករផ្សារតែម្តង។
ក្រោយពីបញ្ចប់ការធ្វេីសំណាកជាលទ្ធផល រកឃេីញអ្នកវិជ្ជមានកូវីដ-១៩ចំនួន១៣នាក់ ត្រូវបានក្រុមគ្រូពេទ្យយកទៅព្យាបាលបន្ត៕
ដោយ ៖សុខាសែនជ័យ
