សារព័ត៌មាន នគរវត្ត តែងតែនាំមុខគេជានិច្ច
ក្លិបដែលមានចេតនាចូលរួមលីក European Super League ដើមធំៗចំនួន៩ រួមទាំងក្លិបធំ៦នៃក្របខ័ណ្ឌ Premier League ត្រូវបាន Uefa ដាក់ទណ្ឌកម្មផ្នែកហិរញ្ញវត្ថុ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី៨ ខែឧសភានេះ។
ក្រុមទាំង៩រួមមាន Arsenal, Chelsea, Liverpool, Manchester City, Manchester United និង Tottenham Hotspur រួមទាំង AC Milan, Inter Milan និង Atletico Madrid ផងដែរបានប្តេជ្ញាចិត្តដល់គណៈគ្រប់គ្រងអឺរ៉ុប និងការប្រកួតប្រជែងរបស់ខ្លួន។ ទោះយ៉ាងណា Real Madrid, Barcelona និង Juventus ត្រៀមប្រឈមនឹងសកម្មភាពសមស្របក្រោមដំណើរការវិន័យរបស់ Uefa ដោយក្រុមទាំង៣បានបដិសេធមិនបោះបង់ចោលការចូលរួមប្រកួតលីកនេះឡើយ។
European Super League (ESL) ត្រូវបានប្រកាសកាលពីថ្ងៃទី១៨ ខែមេសា ប៉ុន្តែក្នុងរយៈពេល៤៨ម៉ោងផែនការបានធ្លាក់ចុះស្របពេលក្លិបអង់គ្លេសបានដកខ្លួនចេញបន្ទាប់ពីការតវ៉ារបស់អ្នកគាំទ្រ និងសម្ពាធពីរដ្ឋាភិបាលអង់គ្លេស។
ក្លិបទាំង៩បានព្រមព្រៀងរួមវិភាគទានសុឆន្ទៈរួមគ្នាចំនួន១៥លានអឺរ៉ូដើម្បីជាប្រយោជន៍ដល់បាល់ទាត់ និងមូលដ្ឋាននៅទូទាំងទ្វីបអឺរ៉ុប។ ពួកគេក៏នឹងទទួលបានប្រាក់ចំណូល៥ភាគរយនៃចំណូលពីការប្រកួតប្រជែងរបស់ Uefa សម្រាប់មួយរដូវកាលដោយចាប់ផ្តើមពីឆ្នាំ២០២៣-២០២៤ ហើយទឹកប្រាក់នេះនឹងត្រូវចែកចាយឡើងវិញរួមទាំងនៅចក្រភពអង់គ្លេសផងដែរ។
លោក Joel Glazer សហប្រធានក្រុមបិសាចក្រហម Manchester United នឹងចំណាយចំណែករបស់ក្លិបរបស់លោកក្នុងការចូលរួមចំណែកសុឆន្ទៈ និងចំណូលនៃការប្រកួតប្រជែងដែលនឹងមិនត្រូវបានយកចេញពីមូលនិធិរបស់ក្លិបឡើយ។
ម្ចាស់ភាគហ៊ុន Arsenal គឺ Kroenke Sports និង Entertainment បានប្តេជ្ញាថានឹងឆ្លើយតបរាល់ការចំណាយដែលបានកើតឡើងដោយ ESL ខណៈដែលសេចក្តីថ្លែងការណ៍របស់ Tottenham បានប្រកាសថា ការពិន័យណាមួយនឹងជាការទទួលខុសត្រូវរបស់ម្ចាស់។
ក្លិបទាំង៩ប្រឈមនឹងការពិន័យ១០០លានអឺរ៉ូ (៨៦,៩លានដុល្លារ) ប្រសិនបើពួកគេព្យាយាមចូលរួមការប្រកួតប្រជែងដែលមិនមានការអនុញ្ញាតនាពេលអនាគត ហើយពិន័យពាក់កណ្តាលប្រសិនបើពួកគេរំលោភលក្ខខណ្ឌផ្សេងទៀតនៃសេចក្តីប្រកាសនេះ។
លោក Aleksander Ceferin ប្រធាន Uefa បានមានប្រសាសន៍ថា “ខ្ញុំបាននិយាយនៅឯសមាជ Uefa កាលពី២សប្តាហ៍មុនថា វាត្រូវការអង្គការរឹងមាំមួយដើម្បីសារភាពកំហុសជាពិសេសនៅក្នុងការជំនុំជម្រះនាពេលបច្ចុប្បន្ននេះដោយបណ្តាញសង្គម ដែលក្លឹបទាំងនេះបានធ្វើ”។
លោកបន្តថា ក្នុងការទទួលយកការប្តេជ្ញាចិត្ត និងឆន្ទៈក្នុងការជួសជុលការរំខានដែលពួកគេបានបណ្តាលឱ្យ Uefa ចង់ដាក់ក្របខ័ណ្ឌនេះជាផ្លូវការ ហើយឆ្ពោះទៅមុខក្នុងស្មារតីវិជ្ជមាន។
ក្លិបទាំងនេះបានទទួលស្គាល់កំហុសរបស់ពួកគេយ៉ាងឆាប់រហ័ស និងបានចាត់វិធានការដើម្បីបង្ហាញពីភាពមិនចុះសម្រុងនិងការប្តេជ្ញាចិត្តរបស់ពួកគេចំពោះកីឡាបាល់ទាត់អឺរ៉ុប។ ក្លិបនេះនៅតែមិនពាក់ព័ន្ធនឹងអ្វីដែលហៅថា Super League ហើយ Uefa នឹងដោះស្រាយជាមួយក្លិបទាំងនោះជាបន្តបន្ទាប់ ៕ដោយ៖ភារៈ
