សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ក្រោយឃាត់ខ្លួនជនសង្ស័យម្នាក់រឹបអូសថ្នាំញៀន៨កញ្ចប់ធំបាន២ថ្ងៃ ទើបនៅថ្ងៃទី៨ ខែឧសភា ឆ្នាំ២០២១ សមត្ថកិច្ចនគរបាលខេត្តកំពង់ធំបានកសាងសំណុំរឿង បញ្ជូនទៅសាលាដំបូងខេត្តដើម្បីចាត់ការតាមនីតិវិធី ។
មន្ត្រីការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាល ខេត្តកំពង់ធំ បានឲ្យដឹងថា កាលពីថ្ងៃទី៦ ខែឧសភា ឆ្នាំ២០២១ វេលាម៉ោង១១ ព្រឹកនៅចំណុចភូមិកាតាយ ឃុំសូយោង ស្រុកតាំងគោក ខេត្តកំពង់ធំ កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាល ស្រុកតាំងគោក បានចុះបង្ក្រាបករណីជួញដូរ សារធាតុញៀនខុសច្បាប់ ១ ករណីហើយបានឃាត់ខ្លួនជនសង្ស័យ ចំនួន ១នាក់និងថ្នាំញៀន៨កញ្ចប់ធំ ។ ជនសង្ស័យមានឈ្មោះ ឈា ឃីម ភេទប្រុស អាយុ ២៦ឆ្នាំ រស់នៅ ឃុំខាងលើ ត្រូវបានបញ្ជូនទៅសាលាដំបូងខេត្តរួចហើយ៕
ដោយ ៖ ប្រាថ្នា
