សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ រថយន្តដឹកកម្មកររោងចក្រ បានរេចង្កូតធ្លាក់ផ្លូវ បណ្តាលឲ្យមនុស្ស៤៧នាក់ រងរបួសធ្ងន់-ស្រាល ហេតុការណ៍គ្រោះថ្នាក់ចរាចរនេះបានកើតឡើងនៅនៅម៉ោង០៦និង១៥ នាទីព្រឹកថ្ងៃទី១៣ ខែឧសភា ឆ្នាំ២០២១ នៅលើផ្លូវលេខ១៣៧ ស្ថិតក្នុងភូមិក្រសាំងពុល ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ។
សមត្ថកិច្ចបានឲ្យដឹងថា រថយន្តដែលជួបគ្រោះថ្នាក់ចរាចរណ៍នេះ
ម៉ាក HYUNDAI ពណ៌ស ពាក់ស្លាកលេខ ភ្នំពេញ 3D-5860 អ្នកបើកបរឈ្មោះ ឈឿន ឆុន អាយុ៣៥ឆ្នាំ នៅភូមិក្ងោកពង់ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង បើកបរតាមផ្លូវលេខ១៣៧ ក្នុងទិសដៅពីខាងលិចទៅទិសខាងកើត ។ខណៈមកដល់ត្រង់ចំណុចកើតហេតុដោយស្ថានភាពផ្លូវកោងរថយន្តបានរេចង្កូតរអិលធ្លាក់ផ្លូវទៅខាងឆ្វេង បណ្តាលឲ្យកម្មកររោងចក្រ របួសចំនួន៤៧នាក់របួសរបួសធ្ងន់ស្រាល។(ក្រោយកើតហេតុអ្នកបើករថយន្តរត់គេចខ្លួនបាត់ពីកន្លែងកើតហេតុ) ។
បន្ទាប់ពីកើងហេតុ សមត្ថកិច្ចនៅក្នុងមូលដ្ឋានបានចុះទៅពិនិត្យ យករថយន្តទៅរក្សាទុក ជាបណ្តោះអាសន្ន នៅប៉ុសិ៍នគរបាលរដ្ឋបាលស្វាយ ចំណែកជនរងគ្រោះ ត្រូវបានដឹកបញ្ជូនទៅកាន់មន្ទីពេទ្យ ដើម្បីព្យាបាលរបួស៕
ដោយ៖ ជ្រោយពេជ្រ
