សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូរទៅក្លិបបិសាចក្រហមManchester Unitedលោក Ole Gunnar Solskjaer បានថ្លែងថា ការឈ្នះពានEuropa League នឹងជួយក្រុមរបស់លោកឈ្នះជើងឯកជាច្រើនទៀតនៅក្នុងពេលអនាគត។
ក្រុម Manchester Unitedនិងត្រូវប៉ះក្រុមអេស្ប៉ាញVillarrealក្នុងវគ្គផ្តាច់ព្រ័ត្រនៅក្នុងទីក្រុង Gdansk ប្រទេសប៉ូឡូញ។ ហើយប្រសិនបើក្រុម Manchester Unitedឈ្នះពាននេះគឺជាពានដំបូងបើគិតចាប់តាំងពីឆ្នាំ២០១៧ ដែលក្រុមបិសាចក្រហមបានឈ្នះពាន Europa League ក្រោមការដឹកនាំរបស់លោក Jose Mourinho។
លោក Solskjaer បានថ្លែងនៅក្នុងសន្និសីទសារព័ត៌មានមុនការប្រកួតថា “នេះគឺជារាត្រីដ៏ធំសម្រាប់ពួកយើងហើយជ័យជម្នះគឺជាជោគជ័យមួយដែលអាចនាំភាពជោគជ័យជាច្រើនទៀត។ វាក៏ជាអនាគតដ៏ភ្លឺស្វាងសម្រាប់ក្រុមវ័យក្មេងរបស់យើងដែលបានកសាងក្នុងរយៈពេល២ទៅ៣ឆ្នាំកន្លងមកនេះ។”
ក្រុមបិសាចក្រហមមិនបានឈ្នះពានរង្វាន់មួយសោះអស់រយៈពេល៤ឆ្នាំមកហើយ លោក Solskjaer សង្ឃឹមយ៉ាងមុតមាំថាក្រុមរបស់លោកនឹងឈ្នះនៅយប់នេះ។ ប៉ុន្តែខ្សែការពារកណ្តាលHarry Maguireដែលជាប្រធានក្រុមនឹងត្រូវអវត្តមានដោយសារតែរបួសកជើងក្នុងពេលប្រកួតជាមួយនឹងក្រុម Aston Villa ៕ ដោយ ៖ ភារៈ
