សារព័ត៌មាន នគរវត្ត តែងតែនាំមុខគេជានិច្ច
កីឡាករវាយតឺន្នីសលេខ១ពិភពលោក Novak Djokovic បានចាប់ផ្តើមយុទ្ធនាការប្រកួតកម្មវិធី French Open របស់គាត់ជាមួយនឹងជ័យជម្នះ ៦-២ ៦-៤ និង ៦-២ ទៅលើកីឡាករអាមេរិក Tennys Sandgren កាលពីថ្ងៃអង្គារទី១ ខែមិថុនាក្នុងការប្រកួតផ្នែកបុរសដំបូងដែលគ្រោងនឹងធ្វើឡើងនៅពេលយប់។
យោងតាមសារព័ត៌មានរ៉យទ័របានផ្សាយនៅព្រឹកថ្ងៃទី២ មិថុនានេះថាដោយមិនមានអ្នកទស្សនានៅលើទីលាន ដោយសារតែបម្រាមគោចរក្នុងស្រុកម៉ោង៩យប់ កីឡាករស៊ែប៊ីរូបនេះបានឆ្លងកាត់ជុំទី២ ខណៈដែលគាត់បានឈ្នះគូប្រជែងរបស់គាត់ ។
Djokovic ដែលកំពុងប្រជែងយកតំណែងជើងឯកធំទី១៩ និងកំពុងសម្លឹងមើលការប្រកួតរបស់ម្ចាស់ជើងឯក Grand Slam ២០សម័យកាលគឺ Rafael Nadal និង Roger Federer បានបង្ហាញនូវការមិនសប្បាយចិត្តនៅក្នុងសិតទី២ ប៉ុន្តែកីឡាករលេខ៦៦ពិភពលោក Sandgren មិនអាចយកឈ្នះគាត់ឡើយ។
សិតទី៣ គ្រាន់តែជាផ្លូវការប៉ុណ្ណោះ ខណៈដែល Djokovic ដែលបានឈ្នះពានរង្វាន់ Roland Garros របស់គាត់នៅឆ្នាំ២០១៦ និងបានឈ្នះ៥ប្រកួតជាប់ៗគ្នាដែលស្រដៀងនឹងវគ្គហ្វឹកហាត់។ បន្ទាប់មកទៀតគាត់នឹងត្រូវប្រកួតជាមួយកីឡាករ Pablo Cuevas របស់អ៊ុយរ៉ាហ្គាយក្នុងការឈានទៅវគ្គពាក់កណ្តាលផ្តាច់ព្រ័ត្រជាមួយនឹងម្ចាស់ជើងឯក French Open ១៣សម័យកាល Nadal ។
លោក Djokovic បាននិយាយថា “ខ្ញុំនឹងចូលចិត្តលេងនៅចំពោះមុខហ្វូងមនុស្សដូចគាត់បានធ្វើកាលពីសប្តាហ៍មុននៅទីលានប៊ែលក្រានដែលខ្ញុំបានឈ្នះពានរង្វាន់។ ខ្ញុំពិតជាមានកិត្តិយសដែលបានក្លាយជាការប្រកួតបុរសដំបូងគេដែលលេងវគ្គ Roland Garros នៅពេលយប់។ វាពិតជាគួរឱ្យចាប់អារម្មណ៍ណាស់ក្នុងការនិយាយយ៉ាងហោចណាស់ខ្ញុំចូលចិត្តលក្ខខណ្ឌ និងរបៀបដែលខ្ញុំលេងវិធីដែលខ្ញុំបានផ្លាស់ប្តូររបៀបលេងដែលខ្ញុំមានអារម្មណ៍ល្អ”។
សូមបញ្ជាក់ថា ការប្រកួត French Open មានមួយរាត្រីក្នុងមួយថ្ងៃត្រូវបានរៀបចំឡើងរហូតដល់ថ្ងៃទី៩ ខែមិថុនា ប៉ុន្តែមានតែកម្មវិធីប្រកួតចុងក្រោយប៉ុណ្ណោះដែលត្រូវបានរៀបចំឡើងនៅចំពោះមុខអ្នកគាំទ្រជាមួយនឹងរដ្ឋាភិបាលបារាំងដែលជំរុញឱ្យមានបម្រាមគោចររហូតដល់ម៉ោង១១យប់ថ្ងៃពុធសប្តាហ៍ក្រោយ ៕
ដោយ ៖ ភារៈ
