សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក សុខ ពេញវុធ អភិបាលនៃគណៈអភិបាលខណ្ឌដូនពេញ នៅយប់ថ្ងៃពុធ ៧រោច ខែជេស្ធ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី០២ ខែមិថុនា ឆ្នាំ២០២១ វេលាម៉ោង២០ និង០០នាទីរហូតដល់ម៉ោង ២៣និង០០នាទីយប់ បានដឹកនាំកម្លាំងគណបញ្ជាការឯកភាពរដ្ឋបាលខណ្ឌដូនពេញ បែងចែកជា០៣ក្រុមដឹកនាំដោយលោក-លោកស្រី អភិបាលរងខណ្ឌ ចុះត្រួតពិនិត្យ និង បង្ក្រាបទីតាំងអាជីវកម្មផ្សេងទៀតដែលល្មើសនឹងការណែនាំរបស់អជ្ញាធរ។
បេីតាមការបញ្ជាក់ពីលោកអភិបាលខណ្ឌដូនពេញ បានឲ្យដឹងថា ក្នុងប្រតិបត្តិការនេះ កម្លាំងចម្រុះបានហាមឃាត់រួមមាន៖ ក្លឹបកម្សាន្ត បារបារាំង និងអាជីវកម្មផ្សេងៗទៀតដែលល្មើសនឹងការណែនាំរបស់ក្រសួងសុខាភិបាល និងក្រសួងទេសចរណ៍ ដើម្បីចូលរួមការងារប្រយុទ្ធប្រឆាំងការរីករាលដាលនៃជម្ងឺកូវីដ-១៩ នៅក្នុងមូលដ្ឋាន ក៏ដូចជារក្សារបាននូវសណ្តាប់ធ្នាប់ អនាម័យ និងសោភណ្ឌភាពក្នុងរាជធានីភ្នំពេញ ។
ជាក់ស្ដែងជាលទ្ធផល ក្រុមការងារបានសម្រេចបិទអាជីវកម្ម ភោជនីយដ្ឋាន ដែលមានបើកភ្លេងកំដរ នាពេលរាត្រី បានចំនួន០២ទីតាំង ស្ថិតក្នុងសង្កាត់ផ្សារកណ្តាលទី១ និង សង្កាត់ជ័យជំនៈ ដកហូតសំភារៈល្មើស រួមមាន៖ តុចំនួន០២ កៅអីចំនួន១៣ យកមករក្សាទុកនៅរដ្ឋបាលខណ្ឌដូនពេញ៕ដោយ៖ស តារា
