សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ត្រូវបានក្រុមគ្រួសារប្រទះឃើញចងកនឹងដំបូលរោងមុខផ្ទះខ្លួនឯង បង្កការភ្ញាក់ផ្អើលដល់ក្រុមគ្រួសាររាយការណ៍ទៅសមត្ថកិច្ចចុះមកពិនិត្យសព។
ហេតុការណ៍នេះបានកើតឡើងកាលពីវេលាម៉ោងប្រហែល២និង៣០នាទីរំលងអធ្រាត្រឈានចូលថ្ងៃទី៦ ខែមិថុនាឆ្នាំ២០២១ ស្ថិតក្នុងភូមិស្វាយអាណាត ឃុំញ ស្រុកកំពង់រោទ៍ ខេត្តស្វាយរៀង។
សមត្ថកិច្ចនគរបាលស្រុកបានឱ្យដឹងថាបុរសខាងលើមានឈ្មោះអ៊ុន ភារម្យ អាយុ៤៧ឆ្នាំ មុខរបរកសិករ រស់ក្នុងភូមិឃុំកើតហេតុខាងលើ។
សមត្ថកិច្ចនគរបាលស្រុកបានបញ្ជាក់ថាបន្ទាប់ពីទទួលបានព័ត៌មានភ្លាមសមត្ថកិច្ចស្រុកបានសហការជាមួយនគរបាលប៉ុស្តិ៍រដ្ឋបាលនិងគ្រូពេទ្យចុះមកពិនិត្យសពហើយសន្និដ្ឋានថា បុរសរងគ្រោះពិតជាស្លាប់ដោយសារចង.កប្រាកដមែន ដោយបានយកកន្សែងពណ៌សចងនឹងដំបូលរោងមុខផ្ទះខ្លួនឯងបណ្តាលឱ្យស្លាប់ គឺមិនមានអ្វីដែលសម្គាល់ថាជារឿងឃាតកម្មនោះទេ។
អ្នកភូមិបានបញ្ជាក់ថា បុរសខាងលើនេះគឺផឹកស្រាស្រវឹងមិនលស់ថ្ងៃឡើយ ហើយទំនងជាជំងឺគាត់រើឡើងខ្លាំងក៏សម្រេចចិត្តបែបនេះតែម្ដងទៅ។
ក្រោយមកសពត្រូវបានសមត្ថកិច្ចប្រគល់ឱ្យក្រុមគ្រួសារធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖ យឹម សុថាន
