សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់បានរងរបួសស្រាលខណៈជិះម៉ូតូឌុបគ្នាត្រូវរថយន្តបែនដឹកដីបុកនិងកិនបណ្ដាលឱ្យម៉ូតូរងការខូចខាតយ៉ាងដំណំ តែសំណាងល្អម្ចាស់ម៉ូតូលោតចេញទាន់។
ហេតុការណ៍នេះបានកើតឡើងកាលពីវេលាម៉ោង៩និង៥នាទីព្រឹកថ្ងៃទី១៨ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវបេតុងត្រង់ចំណុចបុរីឈូកវ៉ា០២ ក្នុងសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តបែនដឹកដីពណ៌ខៀវមួយគ្រឿងពាក់ស្លាកលេខតាកែវ3A-2824 បានបើកតាមបណ្ដោយផ្លូវបេតុង ក្នុងទិសដៅពីលិចទៅកេីតខណៈពេលមកដល់ត្រង់ចំណុចកេីតហេតុស្រាប់តែជ្រុលទៅបុកម៉ូតូមួយគ្រឿងម៉ាកហុងដាឌ្រីម សេ១២៥ ពាក់ស្លាកលេខតាកែវ1T-5207 ជិះដោយបុរស២នាក់ បើកបរក្នុងទិសដៅបញ្រ្ចាសគ្នានិងកិនម៉ូតូរងការខូចខាតយ៉ាងដំណំ តែសំណាងល្អភាគីខាងម៉ូតូរងរបួសស្រាល។
ក្រោយកើតហេតុសមត្ថកិច្ចមូលដ្ឋានបានចុះទៅដល់ដើម្បីធ្វើការវាស់វែងយកអែបកៀននិងសម្របសម្រួលដោយភាគីខាងរថយន្តឃើញថាខ្លួនខុសក៏ព្រមទទួលធ្វើម៉ូតូឲ្យស្អាតដូចដើមវិញដើម្បីបញ្ចប់រឿងនៅនឹងកន្លែង៕
ដោយ៖សុខាសែនជ័យ
