សារព័ត៌មាន នគរវត្ត តែងតែនាំមុខគេជានិច្ច
កីឡាករវាយតឺន្នីសលំដាប់ទី៦ Roger Federer បានរួចផុតពីការប្រកួតជុំទី២ ដោយបានយកឈ្នះកីឡាករ Adrian Mannarino ក្នុងព្រឹត្តិការណ៍ Wimbledon កាលពីថ្ងៃពុធនៅពេលដែលកីឡាករបារាំងរូបនេះបានបោះបង់ការប្រកួតពាក់កណ្តាលទី ដោយសាររបួសជង្គង់បន្ទាប់ពីបានដួលនៅលើទីលាន។
សារព័ត៌មានរ៉យទ័របានផ្សាយថា ការប្រកួតបានត្រៀមរួចរាល់ក្នុងលទ្ធផល ៦-៤ ៦-៧ (៣) ៣-៦ ៦-២ ជាមួយនឹងម្ចាស់ជើងឯក Wimbledon ៨សម័យ ដោយបង្ខំឱ្យសិតទី៥មុនពេល កីឡាករ Mannarino ដែលមានវ័យ៣៣ឆ្នាំបានសំរេចថាគាត់មិនអាចបន្តទៅមុខទៀតបានទេដោយសារការឈឺចាប់មុខរបួស។
Federer បានបំពេញតួនាទីក្នុងលទ្ធផល ៤-២ ក្នុងសិតទី៤ នៅពេលដែលកីឡាករ Mannarino ដែលមានចំណាត់ថ្នាក់លេខ៤១បានរអិលជើង ខណៈព្យាយាមវាយគ្រាប់តឺន្នីសនិងបានរងរបួសជង្គង់ខាងស្តាំ។
កីឡាករសញ្ជាតិបារាំងរូបនេះបានទទួលការយកចិត្តទុកដាក់ផ្នែកវេជ្ជសាស្ត្រនៅឯមជ្ឈមណ្ឌលព្យាបាល ហើយបានវិលត្រឡប់ទៅទីលានមុនពេលប្រកួតជាមួយ Federer ដែលពេលនេះមានកំណត់ត្រាចាញ់រហូតដល់ ៧-០ សម្រាប់រូបគាត់។
កីឡាករ Federer មានវ័យ៣៩ឆ្នាំដែលជាបុរសចំណាស់ជាងគេក្នុងការចាប់ឆ្នោតនៅទីលាន Grand Slam ឆ្នាំនេះនឹងត្រូវជួបជាមួយកីឡាករបារាំង Richard Gasquet ឬកីឡាករ Yuichi Sugita របស់ជប៉ុនដើម្បីប្រកួតនៅជុំទី៣ម្តងទៀត ៕
ដោយ៖ ភារៈ
