សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ប្រជាពលរដ្ឋបានឃាត់ខ្លួនជនសង្ស័យម្នាក់មកប្រគល់ឱ្យសមត្ថកិច្ចប៉ុស្តិ៍រដ្ឋបាលឃុំឈើទាលស្រុកស្វាយជ្រំ បន្ទាប់ពីបានធ្វើសកម្មភាពឆក់យកខ្សែ.កបានសម្រេចរយៈពេលមួយថ្ងៃរួចមក។
ការឃាត់ខ្លួននេះធ្វើឡើងនៅវេលាម៉ោង១និង២០នាទីរសៀលថ្ងៃទី៥ ខែកក្កដា ឆ្នាំ២០២១ស្ថិតនៅស្រុកស្វាយជ្រំ ខេត្តស្វាយរៀង។
សមត្ថកិច្ចនគរបាលបានឱ្យដឹងថាជនសង្ស័យមានឈ្មោះព្រំ សុខសិលា អាយុ៣២ឆ្នាំ មុខរបរមិនពិតប្រាកដរស់នៅភូមិត្របែកប្រហោង ឃុំតាសួស ស្រុកស្វាយជ្រំ។
ចំណែកក្មេងស្រីរងគ្រោះជាម្ចាស់ខ្សែ.កឈ្មោះ គីម ហួយ អាយុ៥ឆ្នាំ រស់នៅភូមិតារាក់ ឃុំឈេីទាល ស្រុកស្វាយជ្រំ។
តាមក្រុមគ្រួសារបានប្រាប់សមត្ថកិច្ចថា កាលពីវេលាម៉ោង៥និង១០នាទីថ្ងៃទី៤ខែកក្កដាឆ្នាំ២០២១មានជនសង្ស័យបានឆក់យកខ្សែ.កប្លាទីនកូនស្រីគាត់មួយខ្សែមានតម្លៃ៥២០. ០០០រៀលនៅមុខផ្ទះស្ថិតនៅភូមិតារាក់ ឃុំឈេីទាល ស្រុកស្វាយជ្រំ។
ប្រភពបន្តថា ក្រោយមកនៅវេលាម៉ោង១និង២០នាទីរសៀលថ្ងៃទី៥ខែកក្កដាឆ្នាំ២០២១ ទេីបប្រជាពលរដ្ឋស្គាល់មុខជនសង្ស័យនិងបានឃាត់ប្រគល់ឱ្យនគរបាលប៉ុស្ដិ៍រដ្ឋបាលឃុំឈេីទាលដើម្បីចាត់ការបន្តតាមច្បាប់៕
ដោយ៖ យឹម សុថាន
