សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីជាកម្មការិនីកាត់ដេរម្នាក់បានរងរបួសធ្ងន់ហើយត្រូវរថយន្តសាមុយមន្ទីរពេទ្យឯកជនដឹកយកទៅសង្គ្រោះភ្លាមៗខណៈដែលនាងត្រូវជនសង្ស័យ២នាក់ធ្វើសកម្មភាពឆក់យកកាបូបស្ពាយបានសម្រេច រួចជិះម៉ូតូគេចខ្លួនបាត់។
ករណីឆក់យកកាបូបខាងលើនេះបានកើតឡើងនៅវេលាម៉ោង៦និង២០នាទីព្រឹកថ្ងៃទី១៥ខែកក្កដាឆ្នាំ២០២១នៅលើស្ពានអាកាសផ្សារដីហុយក្នុងសង្កាត់អូរបែកក្អម ខណ្ឌសែនសុខ។
នារីរងគ្រោះត្រូវបានគេស្គាល់ឈ្មោះ អ៊ុក ស្រីស្រស់ អាយុ២២ឆ្នាំ ស្នាក់នៅផ្ទះជួលក្នុងសង្កាត់ទឹកថ្លា។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនគ្រោះថ្នាក់នារីរងគ្រោះបានជិះម៉ូតូចេញពីបន្ទប់ជួលទៅកន្លែងធ្វើការ។ ខណៈជិះម៉ូតូមកដល់លើស្ពានអាកាសផ្សារដីហុយស្រាប់តែលេចមុខជនសង្ស័យ២នាក់ជិះម៉ូតូមួយគ្រឿងមិនចាំម៉ាកមកពីក្រោយធ្វើសកម្មភាពឆក់យកកាបូបនោះតែម្តងធ្វើឲ្យនារីរងគ្រោះដួលលើថ្នល់រងរបួសធ្ងន់៕
ដោយ ៖ អរុណរះ
