សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្ត Camry 2.5V ស៊េរីទំនេីបមួយគ្រឿងក្នុងល្បឿនលឿនបានជ្រុលទៅបុកម៉ូតូ Zoomer-X ពីចំហៀងពេញទំហឹងបណ្ដាលឲ្យនារីពីរនាក់រងរបួសធ្ងន់ ត្រូវបានរថយន្តសាមុយដឹកបញ្ជូនទៅកាន់មន្ទីរពេទ្យមិត្តភាពខែ្មរ-សូវៀតដេីម្បីសង្គ្រោះភ្លាមៗ កាលពីវេលាម៉ោង១២ និង១០នាទីរំលងអធ្រាត្រឈានចូលថ្ងៃទី១៦ ខែកក្កដា ឆ្នាំ២០២១ នៅតាមបណ្ដោយផ្លូវលេខ២០៥ កែងផ្លូវលេខ៣៤៨ ក្នុងសង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញរថយន្តម៉ាក Camry 2.5V ស៊េរីទំនេីប ពណ៌ស ពាក់ស្លាកលេខភ្នំពេញ 2AL-2789 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវលេខ៣៤៨ក្នុង ទិសដៅពីកេីតទៅលិចក្នុងល្បឿនលឿន ខណៈមកដល់ផ្លូវបំបែកជាបួនក៏បានបុកម៉ូតូមួយគ្រឿងម៉ាក Zoomer-X ពណ៌ស ពាក់ស្លាកលេខភ្នំពេញ 1FZ-3159 ជិះដោយនារីពីរនាក់ធ្វេីដំណេីរតាមបណ្ដោយផ្លូវលេខ២០៥ ក្នុងទិសដៅពីជេីងទៅត្បូង ចំពីចហៀងពេញទំហឹង បណ្ដាលឲ្យម៉ូតូនិងនារីពីរនាក់ខាងលេីខ្ទាតជិត១០ម៉ែត្ររងរបួសធ្ងន់ ឯរថយន្តបង្កបានខូចខាតកាងមុខផ្នែកខាងឆ្វេង ព្រមទាំងបែកបាក់កញ្ចក់មុខផងដែរ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ហេីយទាក់ទងទៅសមត្ថកិច្ចជំនាញចរាចរណ៍ឲ្យមកធ្វេីការវាស់វែងយករថយន្តបង្កនិងម៉ូតូជនរងគ្រោះទៅរក្សាទុកនៅអធិការដ្ឋាននគរបាលខណ្ឌបឹងកេងកង រង់ចាំដោះស្រាយគ្នាពេលក្រោយ ៕
ដោយ ៖ ភារ៉ា ដង្កោ
