សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ក្រុមការងារសាខាកាកបាទក្រហមកម្ពុជាខេត្តស្វាយរៀង នៅថ្ងៃពុធ ៤រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៨ ខែ កក្កដា ឆ្នាំ ២០២១ ដឹកនាំដោយលោកស្រី ដួង វណ្ណា ប្រធានកិត្តិយសសាខា រួមដំណើរដោយ លោកស្រី ពៅ សុភាព ហេរញ្ញឹកគណៈកម្មាធិការសាខា និងមានការនិមន្តចូលរួមពីព្រះមេធវង្សបណ្ឌិត សុខ ប៊ុន ធឿន អនុប្រធានកិត្តិយសសាខា បាននាំយកអំណោយមនុស្សធម៌ ចុះសួរសុខទុក្ខ និងផ្តល់ជូន លោកតា ប្រាក់ អ៊ុំ អាយុ ១០២ ឆ្នាំ មានកូន ៨ នាក់ ចៅ ៥០ នាក់ ព្រមទាំងមានមានចៅទួត ទៀតផង គាត់រស់នៅភូមិត្រពាំរុន ឃុំ ចន្ត្រី ស្រុករមាសហែក ដែលសព្វថ្ងៃ លោកតាមានជីវភាព មធ្យម ព្រោះគាត់រស់នៅជាមួយកូនៗ ចៅៗ ដែលផ្តល់អាហារ ហូបចុកប្រចាំថ្ងៃមិនមានការ ខ្វះខាតឡើយ ។
ក្នុងអំណោយដែលបានផ្តល់ជូនរួមមាន៖ អង្ករ ៦០ គ.ក្រ ឃីត ១ កញ្ចប់(មុង ភួយ ក្រមា សារុង) ត្រីខកំប៉ុង ២ យួរ ទឹកផ្លែឈើ ២ កេស ទឹកបរិសុទ្ធ ២ កេសទឹកត្រី ៦ ដប ទឹកស៊ីអ៊ីវ ៦ ដប ម៉ាស ១០០ សន្លឹក អាកុល ២,៥០ លីត្រ អាវយឺត ១ មី ១ កេស ថវិកា ៥ សែន រៀល ។
ដោយឡែកព្រះមេធវង្សបណ្ឌិត សុខ ប៊ុន ធឿន បានឧបត្ថម្ភបន្ថែម៖ អង្ករ ៧០ គ.ក្រ មីកំប៉ុង ៦០ កំប៉ុង ក្រមា ១ កន្សែងពោះគោ ២ សាប៊ូ ១០ ដុំ ថ្នាំពេទ្យមួយចំនួន ជែល ៥ ដប ស្បែកជើង ៥ គូរ ទឹកក្រូច ៣ កេស ទឹកដោះគោភីឌីស៊ួ ៨ ដប ថវិកា ៣ សែន រៀល ។ ព្រមទាំងអាជ្ញាធរភូមិ ឃុំ ព្រះសង្ឃវត្ត ត្រពាំងរុន បានចូលរួមឧបត្ថម្ភ សម្ភារមួយចំនួនផងដែរ៕
ដោយ៖សហការី
