សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តធុនធំដឹកមេសុីម៉ងត៍មួយគ្រឿង បានបេីកឆ្លងផ្លូវលឿនពេកមិនប្រយ័ត្នជ្រុលទៅបុករថយន្តសុីនទ្រីបណ្ដាលឲ្យរងការខូចខាតទាំងសងខាងយ៉ាងដំណំ ។ ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង១០និង៤០នាទីយប់ ថ្ងៃទី៣១ ខែកក្កដា ឆ្នាំ២០២១ នៅចំណុចភ្លើងស្តុបផ្សារថ្នល់បត់ តាមបណ្ដោយផ្លូវលេខ២១៧ កែងផ្លូវបេតុងព្រៃស ក្នុងសង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេឃេីញរថយន្តសុីនទ្រី ពណ៌ត្រួយចេក ពាក់ស្លាកលេខ រដ្ឋ07 .3-1025 បានបើកតាមបណ្ដោយផ្លូវលេខ២១៧ ក្នុងទិសដៅពីជេីងទៅត្បូងក្នុងល្បឿនលឿនល្មមនិងបានឆ្លងភ្លើងស្តុប ស្របពេលនោះក៏មានរថយន្តធុនធំដឹកមេសុីម៉ងត៍ ពណ៌ទឹកប្រាក់ ពាក់ស្លាកលេខភ្នំពេញ 3F-6152 បើកតាមបណ្ដោយផ្លូវបេតុងព្រៃស ក្នុងទិសដៅពីលិចមកកេីតក្នុងល្បឿនលឿន ហេីយឆ្លងភ្លើងស្តុបដូចគ្នាមិនប្រយ័ត្ន ក៏បុករថយន្តសុីនទ្រីចំពីចំហៀងខាងក្រោយពេញទំហឹង បណ្ដាលឲ្យរថយន្តទាំងសងខាងរងការខូចខាតយ៉ាងដំណំ តែមិនបណ្ដាលឲ្យមនុស្សណាម្នាក់រងរបួសនោះទេ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ហេីយទាក់ទងទៅជំនាញចរាចរណ៍មកធ្វេីការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមច្បាប់៕
ដោយ ៖ ភារ៉ា ដង្កោ
