សារព័ត៌មាន នគរវត្ត តែងតែនាំមុខគេជានិច្ច
ការប្រកួតកីឡាអូឡាំពិកទីក្រុងតូក្យូដែលត្រូវបានពន្យារពេល និងលេងដោយបិទទ្វារដោយសារតែជំងឺរាតត្បាតកូវីដ-១៩បានបញ្ចប់ដោយពិធីដ៏រីករាយមួយនៅក្នុងរដ្ឋធានីរបស់ប្រទេសជប៉ុន ក្រោយប្រព្រឹត្តទៅរយៈពេល១៦ថ្ងៃ។
ការប្រកួតបានប្រព្រឹត្តទៅដោយគ្មានអ្នកទស្សនា ហើយអត្តពលិកត្រូវបានរារាំងមិនឱ្យចេញទៅក្រៅទីកន្លែងស្នាក់នៅដែលរៀបចំដោយគណៈកម្មការអូឡាំពិកនោះទេ។ ដោយសារបញ្ហានេះមានការប្រឈមមុខនឹងការប្រឆាំងក្នុងតំបន់ ហើយក្រុមអ្នកតវ៉ាប្រហែល៣០នាក់បានតវ៉ាជាមួយប៉ូលិសមុនពេលពហុកីឡដ្ឋានជាតិរៀបចំពិធីបិទ។
ក្បួនដង្ហែរបស់ក្រុមអ្នកកាន់ទង់ជាតិដែលមានចំនួន៦២ប្រទេសដែលកំពុងប្រកួតប្រជែងគ្នាបានចាប់ផ្តើមដំណើរការនៅទីក្រុងតូក្យូមុនពេលក្រុមបង្ហាញលើអាកាសបានលាបពណ៌ត្រីកោណរបស់បារាំងនៅលើមេឃនៅទីក្រុងប៉ារីសដែលជាទីក្រុងម្ចាស់ផ្ទះសម្រាប់ឆ្នាំ២០២៤ ។
លោក Seiko Hashimoto ប្រធានព្រឹត្តិការណ៍អូឡាំពិកទីក្រុងតូក្យូឆ្នាំ២០២០ ដែលបានចូលរួមទស្សនាការបង្ហាញក្នុងពិធីបិទដោយមានមនុស្ស៧នាក់ជិះស្គីលើទឹកកក ហើយបន្ទាប់មកជាអ្នកជិះកង់ម្នាក់បានប្រាប់អត្តពលិកថា “គ្មានពាក្យណាដែលពិពណ៌នាអំពីអ្វីដែលអ្នកសម្រេចបាននោះទេគឺទទួលបានជោគជ័យលាយឡំនឹងភាពសប្បាយរីករាយ និងព្រួយបារម្ភផងជាមួយនឹងជំងឺរាតត្បាត”។
ការប្រកួតកីឡាត្រូវបានពន្យារពេលមួយឆ្នាំពីកាលបរិច្ឆេទដើមឆ្នាំ២០២០ ហើយនៅពេលដែលជំងឺរាតត្បាតសកលផ្ទុះឡើងការគាំទ្ររបស់ជប៉ុនបានរង្គោះរង្គើដោយការស្ទង់មតិមិនអំណោយផលកាលពីប៉ុន្មានខែមុន និងសូម្បីតែអធិរាជជប៉ុន ណារូ ហ៊ីតុ បង្ហាញការព្រួយបារម្ភអំពីការរៀបចំការប្រកួតរបស់ពួកគេ។
ការហាមឃាត់អ្នកទស្សនាពីទីកន្លែងភាគច្រើនបានបដិសេធមិនឱ្យសាធារណជនជប៉ុនមានឱកាសមើលការប្រកួតកីឡារដូវក្តៅជាលើកដំបូងចាប់តាំងពីទីក្រុងតូក្យូឆ្នាំ១៩៦៤ និងជាចំណុចនៃការរង់ចាំរយៈពេល៨ ឆ្នាំបន្ទាប់ពីទទួលបានសិទ្ធិធ្វើជាម្ចាស់ផ្ទះនៅទីក្រុងប៊ុយណូស៊ែរក្នុងឆ្នាំ២០១៣ ។
សហរដ្ឋអាមេរិកបានឈរកំពូលតារាងមេដាយជាលើកទី៦ក្នុងការប្រកួតកីឡាអូឡាំពិក៧លើក ដែលលើកទី៧នេះពួកគេឈ្នះមេដាយមាសច្រើនជាងគេគឺ៣៩។ លេខ២បានទៅលើប្រទេសចិនដែលបានឈ្នះមេដាយមាស៣៨ រីឯចំណាត់ថ្នាក់ទី៣គឺម្ចាស់ផ្ទះជប៉ុននៅក្នុងតារាងមេដាយដែលមានមេដាយមាសចំនួន២៧ ។
ដោយគ្មានអ្នកគាំទ្រអនុញ្ញាតឱ្យចូលរួមដោយសារតែការរឹតត្បិតនៃជំងឺកូវីដ–១៩ មនុស្សជាង១១៥ លាននាក់បានទស្សនាពីគេហដ្ឋានរបស់ខ្លួន ទោះបីមានការតវ៉ាប្រឆាំងនឹងការប្រកួតដែលនឹងប្រព្រឹត្តទៅនៅតូក្យូក៏ដោយ។ សរុបមកប្រជាជនជប៉ុនជាង៩១ភាគរយបានមើលសកម្មភាពកីឡាអូឡាំពិកនេះ នៅលើកញ្ចក់ទូរទស្សន៍។
ជាមួយនឹងការធ្វើតេស្តរកជំងឺកូវីដ–១៩ ចំនួន៦៥១.២៩៦នាក់ត្រូវបានអនុវត្តចំពោះសមាជិកគ្រួសារអូឡាំពិកដែលក្នុងនោះមានតែ១៥១នាក់ប៉ុណ្ណោះដែលបានធ្វើតេស្តវិជ្ជមាន។
សូមបញ្ជាក់ថា យោងតាមគណៈកម្មាធិការអូឡាំពិកអន្តរជាតិបានប៉ាន់ប្រមាណថាមានមនុស្ស៤,៧ពាន់លានបានទស្សនាទាំងផ្ទាល់ និងប្រយោល។ ក្នុងនោះប្រទេសចំនួន៩៣បានឈ្នះមេដាយនៅរដូវក្តៅនេះដោយសហរដ្ឋអាមេរិកឈ្នះច្រើនជាងគេដោយមាន១១៣មេដាយ, លេខ២បានទៅលើចិនមាន៨៨មេដាយ, លេខ៣រុស្ស៊ីមាន៧១មេដាយ, លេខ៤អង់គ្លេសមាន៦៥មេដាយ, លេខ៥ម្ចាស់ផ្ទះជប៉ុនមាន៥៨មេដាយ ៕
ដោយ៖ ភារៈ(រូបភាព ៖ BBC Sport)
