សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អង្គភាពអនុគណៈកម្មការស្រាវជ្រាវជំងឺកូវីដ-១៩ នៅល្ងាចថ្ងៃទី២៧ ខែសីហា ឆ្នាំ២០២១ បានបញ្ជាក់ឱ្យដឹងថា ក្រុមគ្រូពេទ្យកំពុងចុះយកសំណាកបុគ្គលិកក្រុមហ៊ុន KOFI ដែលមានទីតាំងស្ថិតក្នុងខណ្ឌចំការមន ពាក់ព័ន្ធនឹងករណី Delta ។
អង្គភាពអនុគណៈកម្មការស្រាវជ្រាវជំងឺកូវីដ-១៩ បានរំឭកថា ដើម្បីសុវត្ថិភាព សូមបងប្អូនយកចិត្តទុកដាក់តាមដានសុខភាពរបស់ខ្លួនរយៈពេល ២១ថ្ងៃ ចាប់ពីថ្ងៃដែលបងប្អូនបានប៉ះពាល់ ឬបានទៅទីកន្លែងនេះ។
អង្គភាពអនុគណៈកម្មការស្រាវជ្រាវជំងឺកូវីដ-១៩បានបញ្ជាក់ថា ចំពោះព័ត៌មានលម្អិតនិឹងផ្សព្វផ្សាយជូនពេលចប់បេសកកម្ម។
សូមបញ្ជាក់ថារហូតដល់ថ្ងៃទី២៧ ខែសីហា ឆ្នាំ២០២១ កម្ពុជាយេីងរកឃេីញករណីជំងឺកូវីដ-១៩ សរុបចំនួន៤១១នាក់ (ឆ្លងសហគមន៍៣២៦នាក់ និងនាំចូល៨៥នាក់) និងមានជាសះស្បេីយ ៣០៦នាក់ ។
ដូច្នេះចំនួនករណីជំងឺកូវីដ-១៩សរុបកេីន ឡើងដល់៩១.៣៦៩នាក់ និងចំនួនជាសះស្បេីយសរុបកេីនដល់៨៧.២៩៩នាក់ និង ស្លាប់ថ្មី ១៧នាក់ សរុបស្លាប់១.៨៥៨នាក់ ។ សូមបន្តអនុវត្តន៍: ៣កុំ ៣ការពារ និងចាក់វ៉ាក់សាំងការពារ ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន 2.080.402 ស្មេីនឹង 123.100 ក្នុង១លាននាក់ ។
ព័ត៌មានបន្ថែមសូមទាក់ទងលេខ 115 ៕
ដោយ ៖ សិលា
