កុំព្រហើនពេក ! ចុះចាប់ឃាត់ និងកាត់ទ្រុងរថយន្តខុសលក្ខណៈបច្ចេកទេស ប្រភេទបែនធុនធំ ចំនួន ០៣គ្រឿង ក្នុងខេត្តរតនគិរី

ភ្នំពេញ៖ តាម page ផ្លូវការរបស់ក្រសួងសាធារណការ និងដឹកជញ្ជូន នៅរសៀលថ្ងៃទី ៣ ខែកញ្ញា ឆ្នាំ២០២១ បានបញ្ជាក់ឲ្យដឹងថានៅថ្ងៃទី ៣០ ខែសីហា ដល់ថ្ងៃទី ០១ ខែកញ្ញា ឆ្នាំ ២០២១ ក្រុមការងារអនុគណៈកម្មការសុវត្ថិភាពចរាចរណ៍ផ្លូវគោកខេត្តរតនគិរី បានចុះអនុវត្តយុទ្ធនាការត្រួតពិនិត្យយានយន្តកែច្នៃខុសលក្ខណៈបច្ចេកទេស ក្នុងភូមិសាស្ត្រខេត្តរតនគិរី ក្រុមការងារបានធ្វេីការឃាត់រថយន្តប្រភេទបែនធុនធំ ចំនួន ០៣គ្រឿង យកទៅរក្សាទុកនៅមន្ទីរសាធារណការ និងដឹកជញ្ជូនខេត្ត និងអោយម្ចាស់រថយន្តកាត់ទ្រុងដែលតខុសលក្ខណៈបច្ចេកទេសចេញ ឱ្យត្រូវទៅតាមបទដ្ឋានបច្ចេកទេសដើមវិញ។ចំពោះរថយន្តដែលបានឃាត់ទុក និងកាត់ទ្រុង មានអត្តសញ្ញាណដូចខាងក្រោម៖
– រថយន្ត ម៉ាក SCANIA ពណ៌ ស ពាក់ស្លាកលេខ ភ្នំពេញ 3F-3996
– រថយន្ត ម៉ាក HYUNDAI TRAGO ពណ៌ ទឹកប្រាក់ ពាក់ស្លាកលេខ រតនគិរី 3A-2007
– រថយន្ត ម៉ាក DAEWOO ពណ៌ ក្រហម ពាក់ស្លាកលេខ ស្វាយរៀង 3A-2777 ៕

ដោយ ៖ សិលា