សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បេីយោងតាមប្រភពព័ត៌មានពីផេកហ្វេសប៊ុករបស់កងរាជអាវុធហត្ថលើផ្ទៃប្រទេស នៅថ្ងៃចន្ទទី១៣ ខែកញ្ញា ឆ្នាំ២០២១នេះថា៖ កម្លាំងកងរាជអាវុធហត្ថស្នាក់ការសន្តិសុខ៧០៧ បានចុះបង្រ្កាបរថយន្តមួយគ្រឿង ដឹកជញ្ជូនផលអនុផលព្រៃឈើគ្មានច្បាប់អនុញ្ញាតនៅចំណុចភ្នំព្រិច ស្ថិតនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ។
ក្នុងប្រតិបត្តិការខាងលេីនេះ កម្លាំងស្នាក់ការសន្តិសុខ៧០៧ ដឹកនាំដោយលោកអនុសេនីយ៍ទោ កឹម ភត្រា ដោយបានឃាត់រថយន្ដ០១គ្រឿង ម៉ាកសាំយ៉ុងពណ៌ស គ្មានស្លាកលេខ និងឈើអារលេខ២ ប្រភេទគ្រឿង ៥ គុណនឹង១៥ម៉ែត្រ ចំនួន២១កន្ទុយ ស្មើនឹង១,១០២ម៉ែតត្រីគុណ (អ្នកបើកបរគេចខ្លួនបាត់)កាលពីវេលាម៉ោង ៧និង៣០នាទីយប់ថ្ងៃទី ១១ ខែកញ្ញា ឆ្នាំ២០២១។
ប្រភពដដែលបន្តថា បច្ចុប្បន្នវត្ថុតាងខាងលើប្រគល់ជូនសង្កាត់រដ្ឋបាលព្រៃឈើស្វាយជ្រះចាត់ការបន្តតាមនីតិវិធីច្បាប់៕
ដោយ៖សហការី
