សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសRX330 មួយគ្រឿងម្ចាស់បេីកបរក្នុងល្បឿនលឿនមិនប្រយ័ត្នជ្រុលទៅបុកគូទរថយន្តឡិចស៊ីសRX330 មួយគ្រឿងនៅខាងមុខហើយរថយន្តរងគ្រោះបានរុញបន្តទៅបុករថយន្តនីស្សាន់មួយគ្រឿងទៀតបណ្តាលឱ្យរងការខូចខាតយ៉ាងដំណំ តែសំណាងល្អមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង២រសៀលថ្ងៃទី១៨ ខែកញ្ញា ឆ្នាំ២០២១ នៅចំណុចខាងត្បូងវត្តស្លែង តាមបណ្តោយផ្លូវជាតិលេខ៣ សង្កាត់ពងទឹក ខណ្ឌដង្កោ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកនីស្សាន់ ពណ៌ទឹកប្រាក់ ពាក់ស្លាកលេខភ្នំពេញ2AX-6262 បើកតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុដោយសារតែមានផ្លូវរថយន្តបេីកឆ្លងកាត់ក៏បង្អង់ល្បឿន ហើយស្របគ្នានោះក៏មានរថយន្តឡិចស៊ីសRX330 ពណ៌ស ពាក់ស្លាកលេខភ្នំពេញ2AQ- 6369 មកឈប់ពីក្រោយរថយន្តនីស្សាន់ ស្រាប់តែភ្លាមនោះមានយុវជនម្នាក់បេីករថយន្តម៉ាកឡិចស៊ីសRX330 ពណ៌ស ពាក់ស្លាកលេខភ្នំពេញ2AB-3443 ធ្វេីដំណេីរមកពីក្រោយក្នុងល្បឿនលឿនក៏ជ្រុលចង្កូតទៅបុកគូទរថយន្តឡិចស៊ីសរុញទៅមុខបុកគូទរថយន្តនីស្សាន់បន្តទៀតបណ្តាលឱ្យរងការខូចខាតយ៉ាងដំណំ តែសំណាងល្អមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះទៅដល់ចំណុចកេីហេតុ ហើយដោយសារតែការសម្របសម្រួលគ្នាមិនត្រូវគ្នាទេីបទាក់ទងទៅជំនាញមកធ្វេីការវាស់វែងយករថយន្តទាំង៣គ្រឿងទៅរក្សាទុករង់ចាំដោះស្រាយគ្នានាពេលក្រោយ៕
ដោយ៖សុខាសែនជ័យ
