សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សមត្ថកិច្ចនគរបាលស្រុកចន្ទ្រាបានឃាត់ខ្លួនជនសង្ស័យ៣នាក់ជាមុខសញ្ញាប្រើប្រាស់សារធាតុញៀនដោយខុសច្បាប់។ ការឃាត់ខ្លួននេះធ្វើឡើងកាលពីវេលាម៉ោង៣និង២០នាទីរសៀលថ្ងៃទី២១ ខែកញ្ញា ឆ្នាំ២០២១ស្ថិតក្នុងភូមិត្រពាំងបុណ្យ ឃុំព្រៃគគីរ ស្រុកចន្ទ្រាខេត្តស្វាយរៀង។
សមត្ថកិច្ចនគរបាលស្រុកចន្ទ្រាបានឱ្យដឹងថា ជនសង្ស័យដែលឃាត់ខ្លួនបានមាន ១-ឈ្មោះ សាត សឿង ភេទប្រុស អាយុ៣៩ឆ្នាំ មុខរបរលក់ដូរ មានទីលំនៅភូមិត្រពាំងបុណ្យ ឃុំព្រៃគគីរ ស្រុកចន្ទ្រា ខេត្តស្វាយរៀង។ ២-ឈ្មោះ នៅ វិចិត្រ ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិត្រពាំងបុណ្យ ឃុំព្រៃគគីរ ស្រុកចន្ទ្រា ខេត្តស្វាយរៀង
និង៣-ឈ្មោះ មិត យិន ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិព្រៃគគីរ ឃុំព្រៃគគីរ ស្រុកចន្ទ្រា ខេត្តស្វាយរៀង។
ប្រភពដដែលបន្តថា បន្ទាប់ពីមានប្រជាពលរដ្ឋរាយការណ៍មកថា មានករណីប្រើប្រាស់សារធាតុញៀនដោយខុសច្បាប់នៅត្រង់ចំណុចភូមិត្រពាំងបុណ្យ ឃុំព្រៃគគីរ ស្រុកចន្ទ្រា ខេត្តស្វាយរៀង នៅក្នុងក្យូសរបស់ឈ្មោះ សាត សឿង (ហាងលក់ម្ហូបម៉ាក់ដា)រួចមក កម្លាំងអធិការដ្ឋាននគរបាលស្រុកចន្ទ្រា ក្រោមការបញ្ជាផ្ទាល់ពីលោក ជិន សុភឿន អធិការនគរបាលស្រុកចន្ទ្រា បានចាត់កម្លាំងជំនាញអធិការដ្ឋាននគរបាលស្រុកសហការជាមួយកម្លាំងប៉ុស្តិ៍នគរបាលរដ្ឋបាលព្រៃគគីរ និងកម្លាំងប្រជាការពារឃុំព្រៃគគីរ បានចុះទៅស្រាវជ្រាវនៅចំណុចភូមិឃុំខាងលើក៏បានជួបមុខសញ្ញាសង្ស័យចំនួន៣នាក់ដូចមានឈ្មោះខាងលើ។
ប្រភពបន្តថា ក្រោយមកសមត្ថកិច្ចបាននាំខ្លួនជនសង្ស័យទាំង៣នាក់យកមកប៉ុស្តិ៍នគរបាលរដ្ឋបាលដើម្បីសួរនាំ និង ធ្វើតេស្ដរកសារធាតុញៀនហើយជា លទ្ធផលវិជ្ជមាន ៕
ដោយ៖ យឹម សុថាន
