សារព័ត៌មាន នគរវត្ត តែងតែនាំមុខគេជានិច្ច
កីឡាការិនីបាល់ទាត់ Ellen White របស់អង់គ្លេស និង Fran Kirby ស្ថិតនៅក្នុងបញ្ជីសម្រាំងទាំង២០នាក់សម្រាប់ពានរង្វាន់បាល់មាសផ្នែកនារី (Ballon d’Or) ឆ្នាំ២០២១ ។
Fran Kirby វ័យ២៨ឆ្នាំបានជួយឱ្យក្រុមតោខៀវ Chelsea ឈ្នះពានរង្វាន់លីគកំពូលស្ត្រីដោយរកបាន ១៦គ្រាប់ក្នុងការប្រកួតលីគចំនួន១៨លើក ហើយត្រូវបានគេដាក់ឈ្មោះថា ជាកីឡាការិនីឆ្នើមប្រចាំឆ្នាំរបស់ PFA និង FWA ។
ចំណែកកីឡារិនី White វ័យ៣២ ឆ្នាំរកបាន១៥គ្រាប់ក្នុង៣២ប្រកួតសម្រាប់ក្រុម Manchester City កាលពីរដូវកាលមុនទោះបីពួកគេមិនបានឈ្នះពានរង្វាន់ក៏ដោយ។
មានកីឡាការិនីក្រុមតោខៀវ Chelsea ចំនួន៥នាក់នៅក្នុងបញ្ជីឈ្មោះកីឡាការិនីល្អបំផុតរបស់ពិភពលោករួមទាំងខ្សែប្រយុទ្ធរបស់ក្រុម Arsenal គឺ Vivianne Miedema ។ បេក្ខនារីក្រុមតោខៀវផ្សេងទៀតគឺ Magdalena Eriksson, Sam Kerr, Pernille Harder និង Jessie Fleming ។
ក្រុមរបស់Emma Hayes គឺជាក្រុមដែលមានបញ្ជីឈ្មោះច្រើនជាងគេរួមជាមួយក្រុមជើងឯកអឺរ៉ុបបាសេឡូណា។ នេះគ្រាន់តែជាពានរង្វាន់ Ballon d’Or លើកទី៣របស់ស្ត្រីប៉ុណ្ណោះ។ កីឡាការិនី Ada Hegerberg បានឈ្នះពាននេះនៅឆ្នាំ២០១៨ និងកីឡាការិនី Megan Rapinoe បានឈ្នះក្នុងឆ្នាំ២០១៩ ដោយគ្មានពានរង្វាន់កាលពីឆ្នាំមុនដោយសារជំងឺរាតត្បាតកូវីដ–១៩។
ខ្សែប្រយុទ្ធដាណឺម៉ាក Harder បន្ទាប់មកបានផ្ទេរទៅក្លិប Wolfsburg បានបញ្ចប់ក្នុងចំណាត់ថ្នាក់លេខ២ក្នុងឆ្នាំ ២០១៨ និង Lucy Bronze របស់អង់គ្លេសដែលមិនជាប់ក្នុងបញ្ជីសម្រាំងនៅឆ្នាំនេះបានជាប់ចំណាត់ថ្នាក់លេខ២នៅឆ្នាំ២០១៩ ។
សម្រាប់អ្នកឈ្នះពានរង្វាន់ដែលរៀបចំឡើងដោយក្រុមបាល់ទាត់បារាំងនឹងត្រូវប្រកាសនៅថ្ងៃទី២៩ ខែវិច្ឆិកានៅឯមហោស្រពDu Chatelet ក្នុងទីក្រុងប៉ារីស។ សម្រាប់បញ្ជីឈ្មោះសម្រាំងកីឡាការិនីដែលប្រជែងពានរង្វាន់ Ballon d’Or ឆ្នាំនេះមានដូចជា Alexia Putellas(Barcelona, Spain), Magdalena Eriksson (Chelsea, Sweden),Marie-Antoinette Katoto (PSG, France), Sam Kerr (Chelsea, Australia), Stina Blackstenius (Hacken, Sweden), WendieRenard (Lyon, France), Samantha Mewis (North Carolina Courage, USA), Pernille Harder (Chelsea, Denmark), Vivianne Miedema (Arsenal, Netherlands), Sandra Panos(Barcelona, Spain), Lieke Martens (Barcelona, Netherlands), Jessie Fleming (Chelsea, Canada), Irene Paredes (Barcelona, Spain), Ashley Lawrence (PSG, Canada), Christine Sinclair (Portland Thorns, Canada), Ellen White (Man City, England), Christiane Endler (Lyon, Chile), Jennifer Hermoso (Barcelona, Spain), Fran Kirby (Chelsea, England), Kadidiatou Diani(PSG, France) ៕
ដោយ៖ ភារៈ(រូបភាព ៖ BBC Sport)
