សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United ត្រូវបានក្រុម Liverpool យកឈ្នះ ៥-០ នៅចំពោះមុខអ្នកគាំទ្ររបស់ពួកគេនៅ Old Trafford កាលពីថ្ងៃអាទិត្យកន្លងទៅ។ នេះគឺជាការបរាជ័យជាប្រវត្តិសាស្ត្រ ដែលអ្នកគាំទ្រ មិនអាចបំភ្លេចបាន ខណៈដែលអ្នកគាំទ្រ Manchester United មិនសប្បាយចិត្ត និងអ្នកខ្លះចេញពីកីឡដ្ឋានទាំងប្រកួតមិនទាន់ចប់។
ក្រោយចប់ការប្រកួត Ronaldo បានចូលបណ្តាញសង្គមដើម្បីនិយាយទៅកាន់អ្នកគាំទ្រ Manchester United ។ ការបង្ហោះនៅលើ Instagramបានសរសេរថា “ពេលខ្លះលទ្ធផលមិនមែនជាលទ្ធផលដែលយើងតស៊ូនោះឡើយ។ ពេលខ្លះពិន្ទុមិនមែនជាការដែលយើងចង់បានទេ ហើយនេះគឺស្ថិតនៅលើយើង មានតែយើងប៉ុណ្ណោះព្រោះគ្មានអ្នកណាត្រូវស្តីបន្ទោស។ អ្នកគាំទ្ររបស់យើងពិតជាអស្ចារ្យម្តងទៀតក្នុងការគាំទ្រឥតឈប់ឈររបស់ពួកគេ។ ពួកគេសមនឹងទទួលបានប្រសើរជាងនេះ ហើយវាអាស្រ័យលើពួកយើងក្នុងការចែកចាយ”។
Ronaldo អាចនឹងត្រូវបានបណ្តេញចេញពេលប្រកួតជាមួយ Liverpool សម្រាប់ឧប្បត្តិហេតុមួយនៅមុនម៉ោងពាក់កណ្តាលតង់ទី២នៅពេលដែលគាត់បានទាត់បាល់ពេលដែលកីឡាករ Curtis Jones ដេកលើដី។ ទោះជាយ៉ាងណា Paul Pogba មិនមានសំណាងទេនៅតង់ទីពីរ។ ក្រោយមកក្នុងនាមជាកីឡាករបម្រុងខ្សែបម្រើសញ្ជាតិបារាំងរូបនេះបានពិន័យកាតលឿងទៅជាកាតក្រហមបន្ទាប់ពីការពិនិត្យតាមប្រព័ន្ធ VAR សម្រាប់ការប៉ះទង្គិចមិនល្អលើកីឡាករ Naby Keita។
ឥឡូវនេះក្រុមបិសាចក្រហម Manchester United ត្រូវតែប្រមូលផ្តុំឡើងវិញ។ ក្រុមនេះនឹងធ្វើដំណើរទៅភាគខាងត្បូងទៅកាន់ទីក្រុងឡុងដើម្បីជួបក្រុមម្ចាស់ផ្ទះ Tottenham ក្នុងការប្រកួតក្របខ័ណ្ឌ Premier League ដ៏សំខាន់មួយនៅថ្ងៃសៅរ៍ខាងមុខនេះ ៕
ដោយ៖ ភារៈ (រូបភាព ៖ MARCA)
