សារព័ត៌មាន នគរវត្ត តែងតែនាំមុខគេជានិច្ច
ម្ចាស់ជើងឯក French Open នាង Barbora Krejcikova បាននិយាយថា នាងនឹងមិនដែលបាត់បង់ឱកាសដើម្បីតំណាងឱ្យសាធារណរដ្ឋឆេកក្នុងព្រឹត្តិការណ៍ Billie Jean King Cup នៅសប្តាហ៍ក្រោយនោះទេ បើទោះបីជាការប្រកួត WTA Finals ជិតឈានមកដល់ក៏ដោយ។
កីឡាការិនី Krejcikova កីឡាករលំដាប់លេខ៤ពិភពលោកនឹងក្លាយជាកីឡាការិនីដែលមានចំណាត់ថ្នាក់ខ្ពស់បំផុតនៅក្នុងព្រឹត្តិការណ៍នេះនៅទីក្រុង Prague និងជាកីឡាការិនីតែម្នាក់គត់ដែលមានលក្ខណៈសម្បត្តិគ្រប់គ្រាន់សម្រាប់ការប្រកួត WTA Finals រដូវកាលក្រោយដែលនឹងប្រព្រឹត្តទៅនៅទីក្រុង Guadalajara ចាប់ពីថ្ងៃទី១០ ខែវិច្ឆិកា។
កីឡាការិនីកំពូលទាំង៣នៅលើពិភពលោកដូចជា កីឡាការិនីអូស្ត្រាលី Ash Barty, Aryna Sabalenka របស់បេឡារូស និងកីឡាការិនីឆេក Karolina Pliskova នឹងមិនមានវត្តមានសម្រាប់ក្រុមរបស់ពួកគេនៅទីក្រុង Prague ទេ។
Krejcikova បានប្រាប់អ្នកយកព័ត៌មានថា “ខ្ញុំតែងតែចង់តំណាងឱ្យសាធារណរដ្ឋឆេក ជាពិសេសនៅពេលដែលយើងធ្វើម្ចាស់ផ្ទះ។ វាប្រាកដណាស់តាំងពីដំបូងមកថាខ្ញុំចង់លេង. លេងនៅផ្ទះ និងតំណាងប្រទេសនោះជារឿងដ៏ធំបំផុតសម្រាប់អត្តពលិក”។
កីឡាការិនីវ័យ២៥ឆ្នាំរូបនេះបន្តថា “ខ្ញុំពិតជាទន្ទឹងរង់ចាំដឹកនាំក្រុមនេះ យើងមានក្រុមល្អខ្លាំងណាស់។ ខ្ញុំគិតថាវានឹងក្លាយជាសប្តាហ៍ដ៏ល្អឥតខ្ចោះសម្រាប់ពួកយើង ខ្ញុំមិនអាចរង់ចាំលេងនៅមុខហ្វូងមនុស្សឆេកបានទេ”។
សូមបញ្ជាក់ថា កីឡាការិនីសញ្ជាតិឆេក Barbora Krejcikova បានឈ្នះពានរង្វាន់ Billie Jean King Cup ដែលជាអតីតពានរង្វាន់ Fed Cup ៦ដងរួចមកហើយចាប់តាំងពីឆ្នាំ២០១១ ៕
ដោយ៖ ភារៈ(រូបភាព ៖ Reuters)
