សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាល ខេត្តព្រះសីហនុ បានបេីកប្រតិបត្តិការបង្ក្រាប និងឃាត់ខ្លួនមនុស្សចំនួន ៣នាក់ពាក់ព័ន្ធករណីគ្រឿងញៀន ២ករណីផ្សេងគ្នា។ នេះបេីយោងតាមប្រភពព័ត៍មានពីស្នងការដ្ឋាននគរបាលខេត្តព្រះសីហនុ បានឱ្យដឹងថានៅថ្ងៃចន្ទ ១១រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹង ថ្ងៃទី០១ ខែវិច្ឆិកា ឆ្នាំ២០២១។
មន្រ្តីនគរបាលខេត្ត បានឱ្យដឹងទៀតថា ករណីទី១, កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាល ខេត្តព្រះសីហនុ បានឃាត់ខ្លួនជនសង្ស័យពាក់ពន្ធ័ករណីគ្រឿងញៀន០២នាក់ កាលពីថ្ងៃទី៣០ ខែតុលា ឆ្នាំ២០២១ វេលាម៉ោង៧:៣០នាទី ព្រឹកស្ថិតនៅក្រុម៤៣ ភូមិ០៥ សង្កាត់លេខ០៤ ក្រុងព្រះសីហនុ ខេត្តព្រះសីហនុ ។
ដោយឃាត់ខ្លួនជនសង្ស័យពីរនាក់ រួមមាន៖
១-ឈ្មោះ ហ៊ុយ ប៊ុននី ភេទប្រុស ជនជាតិខ្មែរមុខរបរ អ្នកដឹកជញ្ជូន ។
២-ឈ្មោះ សុខ ចិត្រា ជនជាតិខ្មែរ មុខរបរ ដឹកត្រី ។
វត្ថុតាងដកហូតបានរួមមាន ៖
-ម្សៅក្រាមព៌ណសថ្លា សង្ស័យសារធាតុញៀន ចំនួន ២កញ្ចប់
-ទូរស័ព្ទដៃ ០២គ្រឿង
-ម៉ូតូ ចំនួន ០១គ្រឿង។
ចំណែកករណីទី២, កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាល ខេត្តព្រះសីហនុ បានឃាត់ខ្លួនជនសង្ស័យពាក់ព័ន្ធករណីគ្រឿងញៀន០១នាក់ កាលពីថ្ងៃទី២៧ ខែតុលា ឆ្នាំ២០២១ វេលាម៉ោង ២២ និង២០នាទីយប់ ស្ថិតនៅក្រុម១២ ភូមិ០៣ សង្កាត់លេខ០១ ក្រុងព្រះសីហនុ ខេត្តព្រះសីហនុ ។
ដោយជនសង្ស័យម្នាក់ឈ្មោះ គន់ ម៉ាប់ ភេទប្រុស អាយុ ៣២ឆ្នាំ ជនជាតិខ្មែរ មុខរបរមិនពិតប្រាដក ទីលំនៅបច្ចុប្បន្ន ក្រុម១៨ ភូមិ០៤ សង្កាត់០៤ ក្រុង-ខេត្តព្រះសីហនុ
រីឯវត្ថុតាងដកហូតបានរួមមាន៖
-ម្សៅក្រាមព៌ណសថ្លា សង្ស័យសារធាតុញៀន ចំនួន ០១ កញ្ចប់ ។
-ទូរស័ព្ទដៃ ចំនួន ០១គ្រឿង ។
បច្ចុប្បន្នជនសង្ស័យទាំងបីនាក់នេះ រួមទាំងវត្ថុតាងត្រូវបាននគរបាលជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់៕
ដោយ៖សហការី
