សារព័ត៌មាន នគរវត្ត តែងតែនាំមុខគេជានិច្ច
មហាវិទ្យាល័យ Southern California បានស្នើដល់ក្រុមនិស្សិតចាកចេញពីអគារ Grace Ford Salvatori Hall, Sample Hall និង Wallis Annenberg Hall ជាបន្ទាន់ ក្រោយរងការគំរាមកំហែងវាយប្រហារដោយគ្រាប់បែក។
មហាវិទ្យាល័យ Southern California ស្ថិតនៅទីក្រុង Los Angeles បានប្រកាសថា ក្រុមនិស្សិតទាំងអស់នៅក្នុងសាលាត្រូវបានជម្លៀសទៅកាន់តំបន់មានសុវត្ថិភាពបន្ទាប់ពីទទួលបានលិខិតព្រមានវាយប្រហារដោយគ្រាប់បែក។
កម្លាំងប៉ូលិសទីក្រុង Los Angeles និងកម្លាំងសន្តិសុខនៃមហាវិទ្យាល័យ Southern California បានត្រួតពិនិត្យស្វែងរកក្រែងមានគ្រាប់បែកបង្កៃនៅខាងក្នុង។ ក្រោយរយៈ៣០នាទីកម្លាំងសន្តិសុខរកមិនឃើញមានអ្វីសង្ស័យនោះឡើយ ។
មហាវិទ្យាល័យ Southern Califonia ជាមហាវិទ្យាល័យនាំមុខនៅអាមេរិក លើវិស័យស្រាវជ្រាវ ។នៅក្នុងឆ្នាំសិក្សា ២០២១-២០២២ មាននិស្សិតប្រមាណ ជិត៥ម៉ឺននាក់រៀននៅក្នុងសាលានេះ ក្នុងនោះមាននិស្សិតមកពីចិន ជាង ៦៣០០នាក់៕
ដោយ៖ធីរីណា(រូបថត៖AFP)
