សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ និងយុវជនម្នាក់ទៀតបានទាស់សម្ដីគ្នាតាមដងផ្លូវបង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចមូលដ្ឋានខណ្ឌមានជ័យជាច្រេីននាក់ចុះទៅអន្តរាគមន៍ កាលពីវេលាម៉ោង១១ និង១០នាទីយប់ ថ្ងៃទី២ ខែធ្នូ ឆ្នាំ២០២១ នៅតាមបណ្ដោយផ្លូវ៦៩ ច្រកចូលវត្តដំបូងខ្ពស់ ក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។
យោងតាម្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុគេឃេីញយុវជនម្នាក់បេីករថយន្តស៊េរីទំនេីបម៉ាក LEXUS ពណ៌ស ពាក់ស្លាកលេខភ្នំពេញ 2BL-0988 ធ្វេីដំណេីរតាមបណ្ដោយផ្លូវ៦៩ ទិសដៅពីកេីតមកលិច ខណៈមកដល់ចំណុចកេីតហេតុក៏បម្រុងបត់ឆ្វេងទាំងមិនបានសុីញ៉ូ ។ ស្របពេលនោះក៏មានបុរសម្នាក់ជិះម៉ូតូមួយគ្រឿងម៉ាកហុងដា PCX ពណ៌ខ្មៅ ពាក់ស្លាកលេខភ្នំពេញ 1IW-0858 មកពីក្រោយក៏អក់ស័រគ្នាបន្តិចដោយមិនបានបុកគ្នាឲ្យរងការខូចខាតអ្វីនោះទេ តែធ្វេីឲ្យបុរសម្ចាស់ម៉ូតូមានចិត្តខឹងក៏ចុះទៅសួរនាំរហូតទាក់សម្ដីគ្នា ដោយអួតអាងមានខ្សែខ្នងរៀងខ្លួន ទេីបបង្កឲ្យមានការភ្ញាក់ផ្អេីលដល់ប្រជាពលរដ្ឋ និងរាយការណ៍ទៅសមត្ថកិច្ចមូលដ្ឋានចុះមកដល់ទីតាំងខាងលេីជាច្រេីននាក់ផងដែរ ។
បន្ទាប់ក្រោយមក សមត្ថកិច្ចមូលដ្ឋានបានជួយសម្របសម្រួលដល់ភាគីទាំងពីរ ដោយឲ្យពួកគាត់ត្រឡប់ទៅផ្ទះរៀងៗខ្លួនដេីម្បីបញ្ចប់បញ្ហា ៕
ដោយ ៖ ភារ៉ា ដង្កោ
